الخميس، 27 يناير، 2011

الجمعــــه المبــــاركة



وَما نَيلُ المَطالِبِ بِالتَمَنّي .. وَلَكِن تُؤخَذُ الدُنيا غِلابا
لن ترهبنا عصيانكم ولا رصاصكم 
 سنموت...... لتحيا مصر
إن شاء الله يكون يوم الجمعه يوم حاسم
في تاريخ بلدنا العظيمة
والكل يتشجع وينزل 
 إحنا كلنا إيد واحده
الوطن للجميع 
  صوتنا واحد ...  هدفنا واحد
وربنا معانا

الأربعاء، 26 يناير، 2011

مصـــــــر




عيش حرية عدالة إجتماعية

أنا مش قادره  أوصف  أحساسي أنا و أصدقائي
أحساس بالعزه و الفخر وأحنا بنهتف بإسم مصر بأعلى صوت

كان عندي أحساس بالخوف و مش عايزه أنزل
بس لقيت أن مفيش أختيار تاني لمحاربة الظلم والفساد 
ومفيش حاجة هتتغير غير بأيدينا 

ربنا خالقنا عشان نعمر الارض
و نحارب الظالمين و ننشر العدل


مظاهرات رائعة وراقية
 الآف المصريين كان حلمهم واحد 
أنهم يعيشوا باقي عمرهم بكرامة وعزة
نتعامل بأدمية وأحترام بغض النظر عن جنسي ولوني وديني

شباب مصر شباب زى الفل من غير مبالغة
شهم، جدع، بيحب بلده، واعى و فاهم جدا 

وأن شاء الله بلدنا هتتغير للأحسن






الأحد، 23 يناير، 2011

تفاؤل



من فترة كبيره محسيتش أني سعيدة كده
صحيت من النوم لقيت مزاجي رايق

وأنا رايحه شغلي
حاسه أن كل حاجه حواليه بتساعدين على أني أستمر في السعاده
الجو حلو .. الشمس منوره المكان
الشارع نظييييييييييف جدا
مفيش ناس بتتخانق
الكل بيبتسم !!!!!!!!!!!!!!

كأن الدنيا كلها مغسوله بمسحوق غسيل للألوان
صحيت النهارده وجويه أقتناع تام أن كل شئ سئ في الحياة بيعدي
مهما طالت المدة ومهما كانت الصعاب الي بتواجهنا
وأكتشفت أني كنت بعد كل مشكلة بتواجهني
بعمل لحياتي عملية توقف كامل
توقف لكل أحلامي وأفراحي وأمالي
وبرجع خطوه للخلف
مش عارفه ده كان بسبب الحزن ولا الخوف ولا الضعف
وبالتالي في حاجات كتير في حياتي اتأخرت في تحقيقها
بس النهارده اكتشفت أن مفيش حد بيفضل على حاله
وان الأفراح والأحزان بتلف على الناس كلها
وكل شئ بينتهي
هو صحيح المشاكل بتعدي بعد ما تكون علمت فينا
وسابت شويه مراره في قلوبنا
بتكسرنا ساعات
وغصب عننا لازم نفتكرها كل فتره
بس الحياة ماشيه وعمرها ما بتقف ابدا
وعندي أحساس أن الجاي أحلى بكتير
رغم اني معنديش القدره زي زمان
اني أرسم شكل لمستقبلي أو أخطط ليه 
بس أن شاء الله هيكون أحلى
وده لأني عندي ثقه كبيره في ربنا




الخميس، 13 يناير، 2011

غدا سوف تلبسني خاتمك


 بدأ العد التنازلي 
وأشعربـ دقات قلبي ستخرج مني .. تسابقني اليك
أنفاسي لم تعد تتسع للهواء  ..
 
إن كل ما حولي كــ قد جن بك ..
وكل ما ألمسه أصبح فجأة ينادي بأسمك
فقدت السيطرة على نفسي 
كل جزء في يعشقك


لم أكن أعرف اني أملك هذا القلب 
ولا كل هذا الحب
ولكن بــ وجودك معي عرفت كل شئ جميل


أتمنى من الله ألا نفترق طول العمر

الاثنين، 10 يناير، 2011

يومين فَقط !!





صباح وردي أيها  الفَرح 
هل من الممكن أن تصبح اليوم بـــ قربي

وقرب كل الذين أحبهم

 لم يَبقى على مَوت الأحزان سَوى يَومين ..يومين فَقط !!

فهل تستطيع ؟!