الثلاثاء، 29 مارس، 2011

لم نَنْسَى بَعْدُ ....عبادةَ الأصنامِ



ما مرَّ طاغيةٌ
أمامَ حديقةٍ
إلا ومات الوردُ في الأكمامِ

لم يبتَسِمْ يومًا
أمامَ كِلابِهِ
إلا وسالتْ دمعةُ الأيتامِ

لم ينكفِىءْ يومًا
علي مَحْظيَّةٍ
إلا ودبَّ العُقْمُ في الأرحامِ

مأساتُنا عِشْقُ الطغاةِ
كأننا
لم نَنْسَى بَعْدُ ....عبادةَ الأصنامِ !!

الشاعرالبديع ..... أحمد بخيت 


ياريت كلنا ننزل 

الخميس، 24 مارس، 2011

عُقوْل منْ زَمنْ السِيوْف






كَيف أشِتَريتُم كُل شيءً بإسمِكُم حتْى السماءَ .... بِِلِحيَةً مُتَشدِقة؟

الله ليْس عدُونْاَ وصَدِيقكُم فبِأي وحْيً ..... تَجدِلوْنَ المِشنقْة؟

أحمد بخيت

الأحد، 20 مارس، 2011

أمي.....


كل سنة وأنتي طيبه يا أمي ....يا نوارة البيت يا أجمل وأروع أم
كل سنة وأنتي طيبة يا مصر يا أم الدنيا ...كل سنة وأنتي حره وآمنه ومستقرة
كل سنة وأنتي طيبة يا أم الشهيد..... وتعيشي وتفتكري وتفتخري بأبنك البطل
 
كَم ذا يُكابِدُ عاشِقٌ وَيُلاقي
في حُبِّ مِصرَ كَثيرَةِ العُشّاقِ
إِنّي لَأَحمِلُ في هَواكِ صَبابَةً
يا مِصرُ قَد خَرَجَت عَنِ الأَطواقِ
لَهفي عَلَيكِ مَتى أَراكِ طَليقَةً.....
يَحمي كَريمَ حِماكِ شَعبٌ راقي
...........
الأُمُّ مَدرَسَةٌ إِذا أَعدَدتَها
أَعدَدتَ شَعباً طَيِّبَ الأَعراقِ
الأُمُّ رَوضٌ إِن تَعَهَّدَهُ الحَيا
بِالرِيِّ أَورَقَ أَيَّما إيراقِ
الأُمُّ أُستاذُ الأَساتِذَةِ الأُلى
شَغَلَت مَآثِرُهُم مَدى الآفاقِ
{حافظ إبراهيم}
  وكل سنة وأنت طيب يا أغلى وأحن وأطيب أب

الثلاثاء، 15 مارس، 2011

دستور يا أسيادنا



لماذا يريد الشعب دستوراً جديداً 
لماذا يريد أن يقلص من سلطات رئيس الجمهورية
و يعظم دور منظمات المجتمع المدنى و المجلس النيابى
و يجعل الحكم بالشعب و للشعب؟؟؟؟؟ 
في ثورتنا خرجنا كلنا على قلب رجل واحد 
و كانت أهدافنا واحده 
إسقاط النظام ، حل أمن الدولة ، حل مجلس الشعب  و.... تشكيل دستور جديد !

.
.
.
.

مش عارفه ليه كل شئ عندنا بيحصل بعد طلوع الروح

في تونس جهاز أمن الدولة أتلغى عادي محصلش حاجه
وأحنا عندنا بعد محاولات عده أتلغى .....مبروك طبعا
وأمن البلد لم يُمس لأن أصلاً الجهازه كان ليه حسابات أخرى

في تونس تم حل حزب التجمع الدستوري الديموقراطي
بتاع بن على ومحصلش حاجه
وأحنا عندنا صعب جداً إن الحزب الوطني يُحل

في تونس تم تعيين رئيس مؤقت ووزارة مؤقتة لتسيير الأعمال
وأحنا ده لايمكن يحصل أبداااااااااااااااا

وأحلى حاجه أنهم في تونس بمنتهى سهولة لغوا الدستور
ولسه تونس عايشه مولعتش ولا حاجه
وأحنا لسه متمسكين بترقيع دستور سقطت شرعيته مع الرئيس المخلوع

ومتمسكين أكتر بأعطاء الرئيس المصري الجديد 
سلطات لا يتمتع بها أي رئيس في العالم
مساعدة مننا لتحويله الي ديكتاتور وفرعون جديد
 
أنا الي فهمته لما حصلت الثورة وأتخلع مبارك
جاء مجلس عسكري يحكم البلد بشكل مؤقت
وطبقا للدستور  لايوجد  ذكر للمجلس العسكري 
الدستور بيقول رئيس مجلس الشعب أو رئيس المحكمة الدستورية هو من يتولى السلطة 
وبما أن هذا لم يحدث فبالتالي أصبح وضع المجلس العسكري غير قانوني أو دستوري مما يتوجب تعطيل العمل بالدستور الحالي
وبالتالي إزاي تجرى تعديلات على دستور تم تعطيل  العمل به
غير كده أن الأستفتاء ده أختار بعض المواد ليتم تعديلها
" أكيد كلنا أطلعنا على هذه المواد وعلى تعديلاتها "
وغفل عن مواد أخرى مهمه
تعطي الرئيس الجديد صلاحيات في أصدار قرارت لها قوة القانون
وبالتالي سوف تكون كل السلطات مرة أخرى في يده

يعنى وكأنك يابو زيد ماغزيت

يعني لا لترقيع الدستور
لأنه يهدم كل مبادئ ثورتنا

السبت، 12 مارس، 2011

مْا أروعَ حُبْك


كُلَ يَومْ يزدَادُ يقْينيِ ..... بِأنِ غبَائكْ رائعٌ

سمَيتـني وطْنْكَ ... وإغتَرْبتَ عنْي
زَرعتـني وردْاً ... ثُم مَنعْتَ المَاء عنْي
أَحييتَنـي بِحُبِكْ ... وفَجأْةَ إختفَيْتَ عنْي

وتَقولُ لي فِي النِهايةِ أنْك ...... تُحبُني
مْا أروْعَ حُبْك


الاثنين، 7 مارس، 2011

سعيْدةٌ

 


سعيْدةٌ لأننَا نتحرَك فِي مَجرة واحِدَة .. 
ولأننِي مررَت يومَاً بمَدارِك ولم أرتِطم بكوكبِك ..
.. وأحْتِرق ..
سَعيْدةُ لِمُجرد أنَك مَوجُود
ويَكفينِي أننِي عَرفتُك ..
.. .. ♥ وأحَببتُك ♥ .. ..
.
.
.

 غادَة السمَان

الخميس، 3 مارس، 2011

صباح الرحيل



هو الراجل ده مش كان لسه بيتكلم أمبارح 
وقال أنه لسه قاعد على قلبنا
هو فيه أيه؟؟؟؟؟
فجأه كده صحي الصبح لقى نفسه عايز يمشي راح مقدم أستقالته
طيب ياسيدي شكراً جزيلاً لأستجابة حضرتك لينا


وعايزه أقول للناس الي بدأت تزعق وتعلي صوتها
بأن خلاص كده مصر أنتهت وأننا زودناها أوي
وزعلانين أوي من الجيش أنه وافق على أستقالة الفريق أحمد شفيق

ياجماعة الراجل ده محدش يقدر يتكلم عن شخصه في حاجه
كل الأحترام والتقدير ليه
بس للأسف فشل في تحقيق مطالبنا
اولا بأستهزائه من الثورة 
وده كان واضح في كلام كتير منه
التعتيم على القرارات الي بتتخذ
غير بقى البطئ الشديد
أحنا منطلقين بصاروخ والحكومه راكبه عجلة
وحتى لما بياخدوا قرار بيبقى عباره عن مسكنات للشعب

الناس دي لحد الأن مش قادره تستوعب 
أن الشعب المصري تفكيره وعقليته أتغيرت 
أحنا مش عايزيين مجرد تغيير أسماء قاعده على كراسي
عايزيين فكر وعقل
أحنا عايزين وجوه جديده شريفة ونظيفة
 مصر عامره بالشخصيات العظيمة
أحنا عايزيين نبني مصر جديده
نقيه من كل أنواع الفساد
ونلونها بألوان الحرية

وعلى فكره الثورة لم تنتهي بعد
لسه في مطالب كثير لم تحقق
يعني لازم نستمر في مطالبنا

نريد دستور جديد مش مجرد تعديل خايب
نريد محاكمه جاده وحقيقه للفاسدين
وكل من تسبب في انتشار الفوضى في البلد
نريد حل جهاز أمن الدولة
أو على الأقل تحديد صلاحياته
نريد الأفراج عن كافة المعتقلين السياسيين
نريد إنتخابات حره نزيهه
نريد إنتخابات عاجلة للمجالس المحلية
نريد وضوح وأعلان عن القرارات التي تتخذ
نريد سرعه في أتخاذ القرارات
بلاش نظام السلحفاة الي أنتوا ماشين بيه
كل دي حقوق للشعب المصري لازم يحصل عليها

وأكيد مصر هتبقى أفضل