أنت مني

المعنى الحقيقي للحياة ♥

فَإِنَّكَ بِأَعْيُنِنَا ....

( وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا )

سبحان الله
تعالى في كماله ...
وتبارك في عليائه ...
وتعاظم في ملكه...
كثُرت خيراتُه وعمَّت بركاتُه

يااااااااااااااااااااااااه على كرم ربنا وحنانه
تعمل حاجه لا تذكر في حياتك أو تصبر على وجع أو ظلم أو على قسوة الحياة
فتلاقي  ربنا بيعوضك بحاجات أكبر بكتيييييييييييييييير مما كنت بتتمنى
تلاقي سعادة ورضا وحب وخير ولا عمرك كنت تحلم بيهم

لا تبقى عارف إزاي ممكن تشكره على نعمه
ولا إزاي توفيه حقه لأنك مهما عملت مش هتقدر ترد شئ من كرمه عليك

كل االي قادره إني أعمله إني أقوله ..... أنا بحبك يارب بحبك أوي
ومشتاقه لليوم الي هقابلك فيه
فلك الحمد حتى ترضى ولك الحمد إذا رضيت ولك الحمد بعد الرضا

الماضي

لا تعرف لماذا تحب الذكريات أن ترى الأنهار تجري في عينيها

ولماذا يطمئن الماضي في السكن إليها !!

حياة الموت

من فترة أخذت قرار مع نفسي أني أموت

وفعلا بدأت أسير بخطى ثابتة في إتجاة الموت

وقدرت بعد مدة قصيرة إني أحقق هدفي

والأن أنا أحيا في الموت

حياة الموت أحلى وأكثر هدوء وصفاء و صدق

وهو ده الي كنت بحلم بيه

لايزال الألم مستمراً

في الخامس والعشرين من يناير لسنة ألفان وأحد عشر وجعاً
وبعد سنين وسنين من الإهانة قررنا أن ننتفض

فكان حصاد إنتفاضتنا مزيداً من الألم !!

حيرة !

ملائكية
صارمة
حالمة
كتلة صماء
متوهجه
حقيقة
أسطورة
طيبة
شرسة
سعيدة
حزينة

ولا عمرك هتعرف أنا مين ......

على كف القدر أمشي

حاولت أحبــه ... رفض !!

حاولت أرضية ... عاندني!!

حاولت أتأقلم معاه ... تجاهلني!!

حاولت أقتله ... قتلني!!

......

عن القدر أتكلم

!!!!!!

القاضي احمد رفعت : مفيش دليل قطعي ان الشهداء ماتوا برصاص الشرطه !!

يأس .. ألم .. وجع .. دموع

أنـــــــــــــــــــــا همــــــــــــــــــوت من الخـــــــــــــــوف

ما ترُد بلاش توجع قلبي !!

جبتلك اللي انت كاتبهولي
و فانلة و شورت جٌداد
جبتلك الكوتشي .. على المكتب
خليك جاهز .. و على استعداد
جبتلك الشنطة اللي عايزها
ما ترُد يا واد

ما ترُد بلاش توجع قلبي
بكدب على أمك و مخبّي
و بقولها لسّه ف الديربي
جوّا الاستاد

طب أقولها إيه
طب مات كدا ليه
و ف أنهي بلاد
طب مين حيجرّيني وراه
طب مين حيضحّكني معاه
طب أقولّها .. تاه
ما ترُد يا واد|

طب رٌد و الله لأسامحك
و حخلّي أخوك ييجي يصالحك
دا أنا حلم حياتي أحضر فرحك
محضرش الدفنة ب سَنّاد

أحمد الطحان

قلب الوطن إنجرح

أنا مش عارفه الكلام الي هكتبه ده ليه لازمه
ولا هيبقى غلط إني كتبته
أنا حقيقه مرعوبة ومحبطه وندمانه

يوم 24 يناير حضرت نفسي وكان عندي حماس يهد جبال
أتصلت بيه والدتي (هي مسافره )
وقالتلي بلاش نزول الله يخليكي أنا مش معاكي وهبقى قلقانه
بعد محايله أستمرت ساعه قالتلي إنزلي بس خلي بالك من نفسك أوي
وكانت دي أول غلطه أرتكبها عدم سماعي لكلام ماما
وفعلا خليت بالي من نفسي أوي .. أنا أسفه يا ماما

صحيت الفجر وحضرت نفسي
ونزلت الساعه 8 الصبح كان عندي مشوار في المهندسين
خلصته ورحت على ميدان مصطفى محمود وقابلت صديقاتي
ووقفت هناك وهتفت بأعلى صوت
وحسيت وقتها أن الثورة راجعه تاني وبدأت أرسم أحلام
صحيت منها على صوت إتنين بيتخانقوا مع سواق تاكسي
كان بيدافع عن العسكر


بعدت عن الخناقه وكملت هتاف
لقيتهم بيقولوا أن المسيره هتتحرك الساعة 2 ظهراً
ولشدة حماسي مقدرتش أصبر
روحت راكبه أول تاكسي وأتجهنا ناحية المترو
وروحنا التحرير ودي كانت تاني غلطة أرتكبها


أول ما تنزل المحطة وتتجه ناحية باب الخروج
تحس إنك يوم الحشر
زحمة جداً ومفيش هوا ومفيش حد مستحمل حد
الناس كلها بتتخانق مع بعض
عملت نافسي مش سامعه حاجه وأطلقت أقدامي ناحية الباب
وخرجت منه بقوة الدفع



طلعت لقيتني جنب منصة الإخوان لقيتهم مشغلين أغاني
( سوف نبقى هنا كي يزول الألم )

وبدأت أتوغل في الميدان
كنت فاكرة إن كثرة أعداد المتظاهرين هتحسسني بالسعاده
لقيت العكس إني أصبت بالخنقه
كل ما نلاقي ناس بتهتف نقف علشان نهتف معاهم
الاقي معظم الهتافات فيها كلام خادش للحياء
نمشي نروح مكان تاني
الاقي ناس بتشوي ذره وناس تانيه ملمومه على عربية الفشار
وواحد تاني عمانا من ريحة دخان البطاطا المشوية


ناس كتير بتتخانق ومختلفه في رأيها
ناس بتدافع عن الإخوان وناس بتشتم فيهم
ناس ماشية تقول شرع الله هو الحل وناس بتتريق عليهم

واحده ماسكه يافطه مكتوب عليها
أنا نازله علشان أحتفل إني خلعت مبارك وأكمل ثورتي على العسكر
مسلمتش من التوبيخ


أمهات شهداء بيبكوا بحرقه
وناس تانية قاعدة تشغل أغاني وتغني وراها

وفاجأة بدأت الكارثة ببص حوالية ملقتش حد من الي كانوا معاية
الظاهر إني سرحت وبعدت عنهم

المهم كلمتهم وإتفقنا إننا نتقابل عند عمر مكرم


وكانت  أسود نص ساعة مرت عليه في الميدان

وأنا ماشية وسط الزحمة بدأت أحس بأيادي خفيه بتمتد نحوي

وللاسف أنا إنسانه خوافه بطبعي لساني اتخرس
وبدأت ابعد اديهم عني في صمت


ولكن لا حياء لمن تنادي



الدنيا بدأت تلف بيه ورجلي مبقتش شيلاني
لاقيني وقعت على الأرض وأنا منهاره من العياط


راجل ابن حلال انتشلني قبل ما اموت دهساً بالاقدام
وسندني لأقرب رصيف وقعدني عليه
وقالي حد يجي الميدان لوحده
أهلك فين إزاي سيبينك تنزلي لوحدك


حالة الصمت فضلت مسيطره عليه وهو بيحاول يكلمني
كل الي قدرت أقوله عايزه أروح عمر مكرم

تكفل الراجل الغلبان بتوصيلي لعمر مكرم وحمايتي
لحد ما لقيت الي كانوا معاية

بعدين تكفل مره أخرى بإخراجنا على حدود الميدان

وأنطلقنا بسرعة الصاروخ كلا الي بيته

وصلت البيت وبما اني لوحدي فيه...
قفلت باب الشقه عليه .. وقفلت كل الشبابيك وأبواب الغرف
وبكل ما أوتيت من قوة روحت مصرخه ومعيطه
ومش لاقيه حاجه أقولها غير حد يجبلي أمي وأبويه ..
ولكن ......


إحنا الشعب الخط الأحمر
بقولها للشعب نفسه
إنضفوا بقى يرحمكم الله
كنت متوقعه الي هيحصل ده بس مش بالطريقه دي
بس الحمد لله على كل شئ
الثورة لسه مستمرة

ورجعــنا تاني يـــا مصــــر

الثوره لم تبدأ من الأساااااااااااااس
وبكره إحنا هنبدأها بس على نظافه

بكرة تفطر كويس يا مصري منك ليه وتلعب رياضة الصباح
وتاخد نفس عميييييييييييييييييييييييييييييييق
وتصلي ركعتين تدعي الله فيهم بأن يحفظ مصر وينصر أهلها
علمك في إيدك وهتافك في مخك ومصر في قلبك
وتتوكل على الله وتنزل

- هتنزل يوم 25 علشان حق البلد دى عليك
- هتنزل علشان حق الشهداء اللى لسه مرجعش
- هتنزل علشان المصابين اللى مش عارفين يتعالجوا لغاية دلوقتي
- هتنزل علشان اشرف بنات بتتسحل و تتهان وتتعرى
 و كمان بيطعن في شرفهم
- هتنزل علشان لما نقول نبنى البلد يبقى بنبنيها
على اساس سليم
 - هتنزل علشان مش هنقبل تانى ناخد على دماغنا و نسكت
مش هانقبل نسكت عشان ناكل عيش
مش هنقبل يربطونا فى ساقية و يغموا عينينا و نلغى عقولنا
- هتنزل علشان تشوف بعينك البلطجية اللى بيدافعوا عن كرامتك و كرامة البلد

-هتنزل علشان تلاقي لقمة العيش بس بكرامة
علشان لما ولادك يتعلموا يتعلموا صح
علشان لما تتعب تلاقي مستشفى نظيفة وأطباء كفء وعلاج متوفر
علشان لما يبقى ليك شكوى تعرف توصل لمسئول يجبلك حقك
علشان لما تتعلم ويطلع عينك في تطوير نفسك تلاقي شغل
علشان الشرطه تعرف شغلها وحدودها مع المواطن
علشان الأجنبي ميبقاش ليه قيمة في بلدك أكتر منك
علشان لما تسافر بره يعرفوا قيمتك
- هتنزل علشان تطفي نار قايده في قلوب أمهات ضحوا بحته منهم علشان البلد
- هتنزل علشان تعيش فى بلدك انســــــــــان
  - هتنزل علشان مصر يا مصري

سلمية سلمية سلمية
عيش حرية عدالة إجتماعية كرامة إنسانية
الشعب يريد تطهير البلاد

ليس لها من دون الله كاشفة

عارفه يا مصر أنا لوعندي دم تاني مكنتش هستخسروا فيكِ
بس خلاص أتحرق كله
أنا تعبت يا مصر والله تعبت
أنا أتمرمط واأتبهدلت وأتظلمت كفاية الله يخليكي
خايفه صبري ينتهي ...مش هتلقيني بعدها

انا عشت فيكي كل أيام الرعب حضنت شوارعك ونمت على أسفلتك 

أضربت وأتشتمت وأتهنت علشان خاطرك
وبطلت أشتكي لحد علشان عيب أشتكي أمي
ناقص بس أموت علشانك
تحبي أموت .....

شوية روقان

الي متى هذا الهوان ؟؟

الموت أصبح كالهواء منتشر في كل مكان

شباب في أعمارنا يزفون شباب أخرين الي مثواهم الأخير

أصبح من السهل علينا أن نرى دماء تسيل وجثث تتساقط

وأن نذهب الي المشرحه ونحضر عملية التشريح

أن نبكي وننهار وتتمزق قلوبنا
 

فا إلي متى هذا الهوان ؟؟

يسقط حكم الطغاة يسقط حكم العسكر

أنا

لاتحرمني مَطلبي

يا رَبّ . . لاتحرمني مَطلبي ....
فَـأنت وحدك مَنْ يعلم كيفَ أنسُجُ أحلامي كُل ليلةٍ . .
وأنامُ على أمَل تحقيقها في  يوميّ الجدّيد

{ إِنَّهُ لاَ يُفْلِحُ الظَّالِمُونَ }

لَمْ تُقَدِّرْ مَسْؤلَيَتكِ ...
وَلَمْ تَخْشَىْ رَبِّكَ ...
وَلَمْ تَكُنْ مُبَارَكٌ ...
وَلا الْحَسَنُ عَرِفَ دَرْبِكْ ... 

الْلَّهُمَّ إِنَّا لا نَرْجُوْا إلا قَضَائِكَ وَعَدْلُكَ

{ إِنَّهُ لاَ يُفْلِحُ الظَّالِمُونَ }

ألا إنَّ سِلعةَ اللهِ غالية

ألا إنَّ سِلعةَ اللهِ غالية ..... ألا إنَّ سِلعةَ اللهِ الجنَّة

كل سنة وأنتم جميعا بخير
لا تبخلوا على أنفسكم بالخير فيا باغي الخير أقبل
رزقكم الله جنات عدن....
وكتبكم جميعا ممن أعتقت رقابهم من النار في شهره الكريم
وتقبل صيامكم وقيامكم
.
.
.
.
.
♥ ♥ رمضان كريم ♥ ♥

أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ

قَالَ النَّبِيُّ صَلَّى اللَّهُ عَلَيْهِ وَسَلَّمَ: (نِعْمَتَانِ مَغْبُونٌ فِيهِمَا كَثِيرٌ مِنْ النَّاسِ الصِّحَّةُ وَالْفَرَاغُ)  [رواه البخاري]

اللهم أشفني وأشفي جميع مرضاك 

{أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاء الْأَرْضِ أَإِلَهٌ مَّعَ اللَّهِ قَلِيلاً مَّا تَذَكَّرُونَ } 
النمل62.

عفاكم الله جميعا وأدام عليكم الصحة

أمنياتي الي الله

 تعلمت منذ صغري أن أكتب رسائل

أملئها بالأماني ....
وأضعها تحت وسادتي
وكنت أكتب على الأظرف من الخارج

العنوان : غرفتي
المرسل الية : ربي الرحيم " كما كنت أسمعها من والدتي "
الراسل : بنت صغيره

وعندما كنت أستيقظ صباحا أجدها لازالت في مكانها
ولكن والدتي كانت تقول لي :
أحيانا يؤجل الله أمانينا ولكنه لآ ينساها أبدا

وحتى اليوم مازلت أفعل نفس الأمر أرسل أمنياتي الي ربي الرحيم
وأنا كلي يقين أن الأماني الي أتمناها تسيل عند الله في مجرى الدعاء

وأؤمن أن الله حين يعطينا يكون كريماً جداً 
فيتخطى أسقف أمانينا و دعواتنا المرسلة إلى السماء 
فتأتي عطاياه في اللحظات التي  تناسبنا و تليق بنا أكثر
فتخلق لنا فرحاً مضاعفاً

كما قال الرسول الكريم "صلى الله عليه وسلم " :
” إذا تمنّى أحدكم فليكثر ، فإنّما يسألُ ربّه ”