أمبارح خرجت أنا و واحده صحبتي كنا في المهندسين وفجأه
وأحنا ماشيين في أمان الله لقيت الأرض انشقت وطلع منها ثلاثة
" شياطين " قصدي أولاد
" شياطين " قصدي أولاد
وبدأوا في الموال السخيف الي بتتعرضلوا أي بنت
يا جميل يا قمر طيب أستنى وبدأ الكلام يزيد واللألفاظ تزيد وبدأوا يقربوا
أنا بصراحة وشي جاب ألوان وقلبي كان هيقف من الخوف
وكنا ماشين زي الصاروخ قلنا بلاش منها الخروجه دي ونروح على بيوتنا أحسن
بس طبعا تقول لمين الكلام ده وبعد ما بدأوا يقربوا بدأ مد الأيد
" قطع أيديهم "
" قطع أيديهم "
وواحد فيهم مسك شنطتي علشان يوقفني
" مش بغرض السرقه طبعا حاشه لله كله الا السرقه "
" مش بغرض السرقه طبعا حاشه لله كله الا السرقه "
وكان بيقول أستنوا بس طيب نتعرف نتفاهم
أنا طبعا لقيتوا عمل كده وفتحت حنفية العياط
" أنا كده بعيط باللمس أو لو حد عدى قصادي "
" أنا كده بعيط باللمس أو لو حد عدى قصادي "
وفجأه ظهر خمس شباب برضه مش عارفه منين ما أنا كنت تايهه من الخوف
ومسك أيد الولد وبعدها عن شنطتي بكل هدوء وقلهم
خلاص عكستهم برحتك وورت للناس انك راجل وواد برم برافو عليك يلا ياشاطر انت راجل بجد
وبعدين خدوهم بعيد وقعدوا يتكلموا معاهم
ولقيت الثلاته الصايعين صوتهم علي وقال بيقوللهم
يعني لو هما بنات محترمين الي يخرجهم بليل
" بليل ده كان الساعة 7 " مدام عارفين الي هيجرلهم
" بليل ده كان الساعة 7 " مدام عارفين الي هيجرلهم
بينزلوا من بيوتهم ليه
نازلين نشتري فاكهه ايه اللي نازلين نعمل ايه
البنت مبقتش تروح في مكان دلوقتي غير لما تتعكس
محترمه بقى مزودها حبتين في لبسها مبقتش فارقه
دلوقتي الولد ميحسش أنه راجل غير لما يشيل سجاره في أيده ويعاكس
" أمال يقولوا عليه عيل "
طيب لحد أمتى هنفضل كده ؟؟؟؟؟
الشباب لما تسألهم يقولوا:
البنت الي بتلبس وتتزوق وتتمكيج نازله علشان تتعاكس
بصوا على لبس البنات ؟
تسأل البنات يقولوا :
في بنات في قمة الأحترام وبيتعاكسوا برده ده حتى المنقبه بقيت تتعاكس
الولاد مش سيبين حد
طيب العيب في مين ؟؟؟؟؟؟؟؟؟؟
نفسي أعرف ؟
هو الفراغ
ولا قلة الدين
ولا غلاء المعيشه الي مخلي الشباب مش عارفين يتجوزوا وبيطلعوا كبتهم في المعاكسه
مش عارفه
ولكن رغم كل ده في شباب زي الورد وبيشوف أن أي بنت محترمه
أو حتى لو واحده لابسه محزق وملزق على أنها أخته
أو حتى لو واحده لابسه محزق وملزق على أنها أخته
ومينفعش يعاكسها بالعكس لآزم يحميها
زي الخمس شباب الي ربنا يكرمهم ودافعوا عننا
يعني بجد الي بيقول ان النخوه والغيره أختفت في مصر بقوله لأااااااااااااااا
لسه فيك رجاله يا مصر
ربنا يحميهم وربنا يحفظ جميع البنات
هناك تعليق واحد:
أول تعليـــــــــــــــــــق
لكى حق كل الصبيان بقوا بيبصوا للبنات بنظرة واحدة
وان كل البنات نزلة من بيوتها علشان تتعاكس
بس بقى نادر اوى نلاقى صبيان مجدع زى الى قبلوكى
خظك حلو
ربنا يحفظك ويحفظ كل بنات المسلمين
انتى اسمك اية
مع تحياتى
إرسال تعليق