الاثنين، 12 أبريل، 2010

سيدي الوزير .......أمضي في طريقك


التعليم كالماء والهواء حق لكل مواطن
التعليم هو مفتاح المستقبل
وتعتبر المعرفة بالأضافة الي التعليم هما الشرطان
الأساسيان لأنطلاق أي مجتمع الي الأمام
وتعتبر الدول المتقدمة عقول شبابها كمادة خام
هو أثمن الثروات التي تمتلكها البلاد

رغم هذه المقدمة عن أهمية التعليم للبلاد
ورغم فشل تجارب جميع الوزراء السابقين في حل أزمة التربية والتعليم
 لم يهاجم أحدهم بنفس الطريقة التي هوجم بيها
الوزير د / أحمد زكي بدر 
رغم أنه لم يمضي على أستلامه لهذا المنصب سوى أربعة أشهر

ولكن أعتبر البعض أسلوبه بالأستفزازي
وأن جولاته الي المدارس بوليسية
 وانه يطبق أسلوب والده 
وكأنه في وزارة الداخليه للتربية والتعليم

وظهر ذلك خاصة في جولته في مدرسة الخلفاء الراشدين بحلوان
التي  ظهرفيها كأنه ضابط شرطة
وليس وزيرا
حينما بدأ يسخر من المدير والمدرسين
الذين أصطفوا في طابور وكأنهم تلاميذ فاشلين
"""ياحرام .. يامساكين""

ولكن أن الأسباب الحقيقيه للهجوم عليه هي


أنه أعلن عن وضع خطة متكاملة 
لإصلاح المنظومة التعليميه
وأعادة الأنضباط الي المدارس ..والحفاظ على هيبة المدرس
وربط عملية التعليم بالتربية لأن تلك الأخيره تسبق كلمة التعليم في مسمى الوزارة

هاجمة من ليس في مصلحته اصلاح التعليم في مصر
هاجمه من لايعرف ولا يدرك
أن أصلاح التعليم في مصر ليس معضلة ولا أمرا مستحيلا 
ويمكن ذلك عن طريق إصلاح المدرسين أنفسهم
لأن المدرس هو العمود الفقري لمنظومة التعليم

ماذا يريد المهاجمون والمنتقدون من الوزير أن يفعل 
عندما يذهب لزيارة إحدى المدارس 
فيجد ان (رب البيت) المدير متأخر عن موعده

وأن معظم المدرسين لم يحضروا الي المدرسه
 ماذا يريدون منه أن يفعل عندما يرى المدرس يركض خلف التلميذ

ليجبره على حضور الطابور الصباحي
وان المدرسة تكدس التلاميذ في عدد معين من الفصول 
ويتركون الفصول الأخرى مغلقه
وأن القمامة تملأ ساحات المدرسة
وان دورات المياه غير نظيفة

هل كان يجب عليه أن يكافئهم على أهمالهم
أم يحيهم على الوضع الذي آلت اليه المدرسه


أحمد زكي بدر ليس ملاك يمشي على الأرض
أنه بشر له أخطائه ولكن
له بعض العذر في تلك الأخطاء

ألا يشفع له تحمله عبء وزارة 
ترعرع فيها الفساد ونمى


أيها المنتقدون...............أتركوه

أتركوه يمضي كما تركتم من قبله يعبثون بمستقبل أولادنا
أتركوه عساه أن يغير من حالنا

يكفيه أنه بدأ بكشف الفساد داخل وزارة التربية والتعليم 
الذي سكت عنه من سبقوه

أتركوه يمضي
فقد يكون أحد أسباب
بناء جيل كامل يكون هو
المستقبل المشرق لبلادنا





الملكة رانيا ملكة الأردن :
التعليم هو الأداة الأكثر فاعلية للتغيير وتشكيل المستقبل في أنحاء العالم
لأن التعليم واحد من أفضل الاستثمارات التي يمكننا القيام بها..
هو فرصة ليس لتحسين حياة الافراد فقط، 
ولكن لتنشئة أجيال كاملة ..
هو فرصة ليس لاضاءة مستقبل أسر،
ولكن لتجسير الهوة التي تفصلنا حول العالم
 اننا نستطيع القيام بذلك ونستطيع تعليم اطفالنا جيدا إن عملنا معا




هناك 12 تعليقًا:

إمرأه من ثلج يقول...

اول تعليــــــــــــــــق
سبينى براحتى شوية

شرف ليا ان انسانة جميلة زيك ابى اختها

ميسوطة بجد

إمرأه من ثلج يقول...

تانى تعليق

الى عملة الوزير دة يترفع لية القبعة

وفعلا حال مصر مش هيصلح الا لما يصلح التعليم

بس خايفة دا يبقى شدة الغربال الجديد وكل حاجة ترجع لحالها

ودى وحبى

إمرأه من ثلج يقول...

طيب بقى كمان مرة
مش ورايا غيرك

بحيك فى الله

انسان عادي يقول...

احم احم
سلامو عليكو

بصي
طبعا كلنا عارفين ان المشكلة كلها في التعليم ولو انصلح حاله حاجات كتير قوي هتتغير
نرجع بقي للوزير
هو جاي ومضطر انه يعمل حاجة غريبة عشان يبقي اشتغل
عشان ميمشيش زي اللي قبله
لكن احنا فعلا استفدنا من اللي هو عمله ؟؟؟
لما يطب علي المدرسة كده بدون احم ولا دستور ويرفدله كام مدرس ويحول الباقي للتحقيق هو كده حل المشكلة ؟؟؟
ما هو فيه مدارس شكليا ملتزمة جدا بس المنظومة التعليمية تعبانة جدا جدا
المفروض يشوف مشكلة المدرس ايه ومشكلة الطالب ايه ويبدأ يحلها
اصل الحكاية مش ارهاب
ابقي قاعد خايف في المدرسة احسن الوزير يجيلي
المفروض يكون فيه منظومة صح نمشي عليها
كفيانا اختراعات بقي

وعموما ربنا يوفقه

من كل بستان زهرة يقول...

فاطومة انت الي جميله وبجد انا مليش أخوات بنات وانت أختي حبيبتي

أما بقى دور التعليم فحتى لو شدة الغربال الجديد كفايه انه يشد شويه

يمكن جزء يتغيروا حتى لو جزء قليل

تحياتي ليكي
ويارب دايما مع بعض

من كل بستان زهرة يقول...

انسان عادي
أحم أحم
أتفضل البيت بيتك

بصى بقى يا سيدي تسمحلي أختلف معاك
لأهو مش جاي ومضطر انه يعمل حاجة غريبة عشان يبقي اشتغل

ممكن يقعد زي الي قبله في مكتبه متهنى ومايتعبش أعصابه ويخلي الناس تنتقده

أهو يومين حلوين يقضيهم في الوزاره
فلوس ومركز ومنصب يخدم بيه حبيبه

وبعدها يتغير وخلاص
الراجل ده مش عايز كده عايز يغير
(أتمنى ان ظني يكون صحيح)

وبعدين لسه مكملش 4 شهور
مش هيقدر فيهم يغير فساد سنين
على الأقل نديله فرصه واحده واحده معاه
كفايه أنه عنده النيه مش زي الي قبله

تحياتي ليك

أحمد الصعيدي يقول...

كحبات الرمل أصبحنا لانعلم أين اليقين وإلي أين نحن ذاهبون


لنا الله جميعا وفي انتظار وفاة كل العرب



أسعدك الله دوما

غير معرف يقول...

علي فكرة

أن تكوني زملكاوية فذاك مذاق خاص

أحييك بشدة


أحمد الصعيدي

من كل بستان زهرة يقول...

أحمد الصعيدي

لا حياة مع اليأس
دائما هناك أمل

العرب في الوقت الحالي متوفيين

ولكن أملنا في المستقبل
وفي الأجيال التي يعدها التعليم الجيد

تحياتي لك

من كل بستان زهرة يقول...

أحمد الصعيدي

أنا كرويه جامده

ده التطور الطبيعي للبنت الوحيده على أولاد

أما بقى الزمالك
أنا زملكاويه متعصبه جدا جدا

الزمالك فريق رائع مهما حصل له من كبوات

دومت سالما

صوت من مصر يقول...

بس برضه النظام لازم يتغير ككامل نخلى فى فهم مش حفظ

من كل بستان زهرة يقول...

صوت من مصر

معاك حق النظام لازم يتغير كله

بس هو ممكن التغيير يبقى مره واحده
لازم خطوه خطوه

علشان منلقيش نفسنا لاطولنا سما ولا أرض

والوزير مش هيعمل كل حاجه
هيغيير جزء والي هيجي بعده جزء وكده

بس يبقى في تغيير أصلا

تحياتي لمرورك