هل أصبحت الملابس وسيله لتحديد شخصية الانسان
وأخلاقه ؟
الفتاة التي لا تلبس الحجاب تهين سمعتها وأهلها
والفتاة التي ترتدي الحجاب آية من الأخلاق والحشمة والادب
أيه الأسباب الي جعلت المجتمع يرى أن اللباس
يعكس باطن الأنسان وطريقة تربيته
ليه الأحتشام والأخلاق أرتبطت بالحجاب
ليه الي مش محجبه دايما بتشعر بإضطهاد من نظرات الناس
على الرغم من أنها ممكن تكون
مرتديه ملابس محتشمه جدا
ومفهاش أي فتنه
مجرد أنها لآ تغطي شعرها
أيوه هي مقصره بس مش مع البشر
هي مقصره في حق الله واحده
هو الوحيد الي هيجازيها
وبعدين مش معنى اني مش محجبه
وأن في خيط مقطوع بيني وبين ربي
أني قاطعه لكل الخيوط
يمكن أنا ملتزمة بجميع الواجبات الدينيه
ماعدا الحجاب
ده سبب يخلي المجتمع يشكك في أخلاقي
مره لما كنت في الجامعه سمعت بنتين في مسجد الكليه
بيتكلموا على بنت مش محجبه
داخله تصلي طلعت الأسدال من شنطتها
بيقولوا هي تعبه نفسها ليه ورايحه جايه بالأسدال
متتحشم وتتحجب أحسن لها بنفس اللفظ كده
أيه علاقة الحجاب بالصلاة؟؟؟؟؟؟؟؟؟
كمان الغريب ان أول حاجه بنفكر فيها
لما بنقابل واحده مش محجبه
بنفكر أنها غير مسلمه أصلا من دين أخر
ولما نعرف أنها مسلمه
تلاقي علامات التعجب أرتسمت على الوجوه
معايه زميل في الشغل كان بيحكي عن أبنه عمره
خمس سنوات زوجته معلمه ابنهم
أن البنت الي مش لابسه حجاب مش مؤدبه
لدرجة أن كل ما تظهر واحده في التليفزيون أو حتى في الشارع
تلاقي الولد بأعلى صوته
مااااااااااماااااااا واحده مش مؤدبه واحده مش مؤدبه
وكان طبعا سعيد بالفكر الي بيزرعه في أبنه
رسم عند الولد رفض لكل الأشخاص المختلفين عنه
فكر غريب جدا أننا نزرع في أولادنا عدم تقبل الأخر
لمجرد أنه مختلف عننا في فكره أو دينه
وأنا طفله كان والدي بيحكلنا عن الصداقه والود بينه
وبين زميله في الشغل رغم أختلاف دينهم
عمري ما هنسى لما قلي لو واحد ملحد لازم تتقبليه
وتحترمي فكره وأعتقاداته
وده يخليكي تتمسكي أكثر بفكرك وعقيدتك وشخصيتك
مابالكم لو واحده مسلمة ولكن مش محجبه
أكيد أنا مش بتكلم عن حكم الحجاب وفرضيته
لأن ده أمر مفروغ منه
فقط المواقف الي بتعرض ليها ونظرات الناس ليه
في عملي
في عملي
أو في أي مكان بتواجد فيه
بتخليني أستغرب ليه أصبح الحكم بالمظهر الخارجي فقط
في النهايه
" البس من الثياب ما لا يزدريك فيه العظماء ولايعيبك فيه
العقلاء "
هناك 19 تعليقًا:
csmag.builder-eg.com
تم انشاء مجلة متخصصة فى المجتمع المدنى ,يكتب موضوعاتها أعضاء المنتدى
ibond.builder-eg.com
أقسامها المجتمع المدنى واقتصاد و تكنولوجيا اتصالات ومعلومات
ملف العدد,صفحة كاريكاتير
كما تم انشاء دليل للبرامج المفتوحة
foss.builder-eg.com
أغراض المنتدى
تجمع للمهتمين و المتطوعين فى العمل المدنى , رسالة أورمان الخ,
الاشتراك فى مجموعة أو مجموعات المنتدى لعمل كتب , ملفات فيديو للتنزيل أو على يوتيوب
عمل مكتبة تابعة للموقع من كتب الأعضاءفى موقع خاص بعد عمل عدد لا بأس به من الكتب, شرح شامل للرخص الحرة و الملكية الفكرية, ترجمة المشاريع المفتوحة المصدر ,تبادل الخبرات بين أعضاء المنتدى,الاستثمار و المشروعات الصغيرة و العمل من المنزل ,التسوق و التجارة الاليكترونية
بالاضافة لمواقع أخرى سيتم افتتاحها بعد نجاح هذا المشروع باذن الله
وهى مواقع ذات صلة بالمصادر المفتوحة وكيفية الاستفادة منها للجمعيات و الشركات و الأفراد الخ
يسعدنا انضمامكم للموقع بكتابة مقالات فيه بالتعاون مع من سيرغب فى ذلك أيضا
ملحوظة : بالطبع يستطيع صاحب المدونة مسح التعليق , و نأسف للازعاج
يوجد بالمنتدى قسم خاص بالديكور يشرفنا قيامكم بكتابة نصائح للمتصفحين فيه بالاضافة للمجلة
شكر
للاسف مجتمعنا بقى بيفكر بالطريقه دى فعلا
و مش عارفه ليه بقينا كده
بقينا فعلا بنحكم على البشر من شكلهم الخارجى
يعنى نسينا الجوهر تماما و ركزنا مع المظهر
مع انه فى اوقات كتير المظهر بيبقى خادع بكل اشكاله
السلام عليكم
أزيك عاملة اه يارب تكونى دائما بخير
***
من سمات الفتاة المسلمة الملتزمة هو الحجاب لانه بميزها بدينها اه فى كثيرات غير محجبات أفضل من محجبات بس طبعا مش قاعدة والعكس
وأنا معاكى جداا أنه مش صح أننا نربط بين الحجاب والأخلاق
لانها علاقة بين الفتاة والله مش من حق حد التدخل فيا لكن من حق ديننا الموعظة بالحسنى " من رأى منكم منكرا فاليغيره .........." لان أكيد الحجاب فرض
وخطأ جداا تعليم أفالنا بمثل هذه الافكار
الحقيقة اني لا استطيع ان ارتدي ما اريد ..
اولا: موضوعك جميل ومثير للاهتمام
ثانيا : احنا عايشين ع الارض مش ف السما مع الملايكه
دا غير مجتمعنا الغريب فعلا واللى ممشى كل حاجه بعكس السير
كل اللى بيبص على واحده بياخدها من لبسها مع ان ناس كتير مش محجبه ومحترمه جداا وناس محجبه وللاسف ..انتى عارفه بقى
ومقدرش افيدك اوى ف موضوع الصلاه لانه بين الانسان وربه
انا من رايى المعقول حلو عشن متكنش عامله زى عروسة المولدولفته وبرضه متكنش زى الشاويش عطيه والحجاب برضه مالوش دعوه
بس غريبه يعنى هما بينتقدوا اللى مش محجبه حتى لو لبسها محترم ومش متبرجه ....وفرحانين اوى باللى محجبه ولبسها مالوش لازمه؟؟
المجتمع صدقينى متخلف فعلا
معلش اعدت ارغى كتيييييير ودوشتك هههه
تسلمى .. ومايهمكيش نظرات حد مادام تقتك بنفسك موجوده
السلام عليكم ورحمة الله وبركاته
ازيك يا قلبى اخبارك ايه يارب تكونى بخير
بجد ليكى واحشه كبيره
طبعآ معاكى حق فى كل كلمة قولتيها وبؤيدك الرأى
بس للاسف احنا فى مجتمع مش عجبه اى شىء
ويمكن اللى مش محجبه زى ما قولتى اخلاقها احسن مليون مره
ربنا طلعنا من الدنيا دى على خير
لانى انا كمان كنت اول واحده الناس تنتقدنى
كنت بلبس بنطايل وقصير وكان مش عاجب الناس
وبعدين اخدت قرار ولبست النقاب والاسدال وقررت اتجه اتجاه اخر للاسف برده محدش سابنى فى حالى بعض سنه معاناه
وبعدين حصل ظروف انى قلعت النقاب
ولبست عبايات وساعات بنطايل
ومعتش بيهمنى حد
لان شفت كتير واللى يمشى ورا كلام الناس بجد
مش هيعرف يعيش بالبلد دى
عجبنى اخر مقوله
" البس من الثياب ما لا يزدريك فيه العظماء ولايعيبك فيه العقلاء "
دمتى حبيبتى بكل خير
فعلا يا زهرة البساتين
معادلة محيرة فعلا
هل المظهر ينم غن الجوهر دائما
و اعتقد هذه الاطروحه تتحدث عن الانطباع الاولي عن الشخص بانه شخصية ما بناءا علي طريقة لبسه
و لكن اعتقد ان التعامل هو الذي يكمل الصورة
و لكن دائما بالنسبة لي التطرف في كل شئ يزعجني
و لكنني دائما ما اتعامل مع البشر كوحده مستقلة فاذا كانت الشخصية ملائمه فانا اشعر بها فورا و الفظ الفج و اتقرب من الطيب السوي القويم
موضوعك يثير الجدل و عفوا للاطالة
تحياتي
لالالالا طبعا الحكم على الناس بالبس دا كلام فارغ فى كتير متغطين وسلوكهم زى الزفت وكتير مش محجبات ومنتهى الاحترام
دى مقايس ظاهريه بس بردو ماجيش على وحده ملط واقول ممكن تكون كويسه لاء مش محجبه لكن ماتبقاش ملط مصدر مشاكل من جهه هى اصلا الملط دى نفسها مش كويسه عندها نقص ما بتعوضه بالملط
انما حجاب من عدمه لالا طبعا مش مقياس خالص
تحياتى يافلورا
عباءة بيضاء في كون أسود
هذا هو ردائي
فأين أنا يا قارئة الفنجان ؟
أسعدك الله
السلام عليكم
أزيك ياأجمل زهره فى البستان
وحشتينى
الموضوع ببساطه من وجهة نظرى ان الحجاب مش دليل لعفة وأخلاق البنت
مش معنى ذلك انى بعارض الحجاب بالعكس انا محجبه وحبه نفسى كدا بس الاول لازم أعمل بيه ويكون حجاب صحيح
فيه نماذج كتير من البنات مش محجبه وفى قمة الادب وملتزمه فى الصلاه بس هو اللى ينقصها الحجاب
وفيه بعض من البنات لبسه الحجاب ومش بتعمل بيه وعلى درجه سيئه من الاخلاق وفيه كتير بيكونوا لبسنها من غير اقتناع وبيقلعوها بعيد عن الاهل
الحجاب مش شرط لتحديد شخصية الانسان ولا لاخلاقه
الحكم ليس بالمظهر الخارجى أنما بداخل الانسان من أخلاق وقيم
ربنا يهدينا ويهدى الجميع يارب العالمين
بوست فى غاية الاهميه
دامت افكارك
تحياتى
للاسف ان احنا مجتمع بيعشق المظاهر..
بيحترم ويقدس ال لابسة نقاب.. او ال مربي دقنه... لمجرد اعتقادنا انهم ملايكة..
انا بكره جدا الحكم علي الاشخاص من لبسهم...
وبكره اكتر لما الاقي حد بيستغل اللبس علشان يحسن صورة مشوهه او علشان يستخبي ورا قناع ما..
تحياتي علي موضوعك المميز...
المجتمع اصلا بقى بيحدد طريقه معاملته واسلوبه ونظرته للشخص من مظهره
اللى لابسه حجاب ومحترم تبقى ايه بنت ميه ميه
واللى مش لابسه حجاب ياما مش مسلمه ياما اخلاقها بايظه
فى حين ان الحجاب ده حاجه لربنا مش للناس عشان تحدد نظرتها للبنت ايه
مثالك على الطفل ده فكرنى بطفله فى نفس الموقف تقريبا
لما شافت بنت مش محجبه قالتلى انها مش مسلمه عشان مش لابسه حجاب
رغم انها ماحدش قالها الجمله دى ابدا
بس طالعه متربمجه
وعايشه فى مجتمع حافظ مش فاهم
لان الاخلاق والتدين عمرهم ما كانوا باللبس
موضوعك حلو اوى تسلم ايدك
... عفواً
من اجل أن نحكم أو نقييم شيء لابد لنا من إرجاعه إلى أصلة وأساسه .. فنحن كعرب أولا قبل أن نكون مسلمين: فقد ثبت وتحقق التأكيد في التراث العربي الجاهلي على النصاف والخمار والعفة والأخلاق التي تمتزج مع الحشمة والوقار . . فجاء الإسلام كدين وشريعة ينظم هذا الشيء ويضفي عليه قداسة الدين .
فهل يستطيع أو نستطيع أن نبني الطابع الثاني قبل بناء الطابق الأول فلا تكون الصلاة بدون حجاب كذلك لا يوجد أخلاق مع التبرج وسفور وهل يكون المرء صاحب أخلاق وهو يخالف تراثه الثقافي وأمر ربه الديني فإذا كان مخالفة أمر الوالدين في الحياة الدنيا مسبة وخسران وخذلان فكيف بمخالفة الله سبحانه وتعالى
وعليه فان الخلفية الثقافية في المجتمع المصري هي عربية وإسلامية ..فلا غرابة في هذا المنطق .. بل الغريب أن تكون إنسانه سافرة تظهر الفاصل بين ثدييها من خلف إلباس وتلبس بنطالاً يحدد حجم أردافها والفاصل بينهم بل أحياناً يصل إلى تحديد فرجها بالكامل من الأمام .. وتسدل شعرها ويظهر زراعيها بالكامل بلحمه المكتظ الطري
وتكون صاحبة أخلاق .. هذا يتنافى مع أخلاقناً كعرب أولا ومسلمين ثانياً : حتى النصارى الملتزمين من العرب يحرم عليهم التراث الثقافي العربي والدين المسيحي أن تكون على مثل هذه الهيئة إذا كانت مسيحية صادقة وملتزمة
أظن أنها أسباب محترمة ووجيه وتستحق النظر فيها
مع خالص التقدير والاحترام
فارس عبد الفتاح .. قومي عربي
أستاذ فارس
أنت الوحيد الذي سوف أقوم بالرد عليه
لأني أتفقت مع أصدقائي جميعا على رأي واحد
أنا وأصدقائي أتفقنا جميعا على أن الزي الخارجي
ليس له علاقة بأخلاقنا
وأتفقنا ان ما أمرنا به ديننا من الحشمة
هو واجب لآبد من تنفيذه
وان تأخرنا في التنفيذ وكنا مخطئين لبعض الوقت
فليس ذلك دليل على فساد أخلاقنا
الحجــاب من الاســلام والاســلام رســالة اخــلاق قبــل ان تكــون شعــائر وعقائــد
قــال رســول الله صلــى عليــه وسلــم
"انمـا بعثـت لاتــمم مكــارم الاخـلاق"
" أدبني ربي فأحسن تأديبي "
ولكن أنت الوحيد الذي أختلفت معنا
أنا أتقبل الرأي الأخر دائما
ولكن أن كان في حدود
وكما طلب ديننا الأحتشام في مظهرنا
طلب منا الأحتشام في الفاظنا وكلماتنا
وأختيار أسلوب مهذب في الحوار
ولكن للأسف
أنت أستخدمت عبارات خادشه لحياء أي فتاة
أنا أرفضها لأنها خدشت حيائي على الرغم من كوني غير محجبه
ولكن لم يمر علي يوم وأرتديتتلك الملابس التي تصفها
أخي الفاضل
الحجاب لايساوي الأخلاق
انا لست محجبه ولكن أهلى أستطاعوا ولله الحمد ان يزرعوا في مكارم الأخلاق
التي يشهد عليها كل من تعامل معي
أكررها مرة أخرى
الحجاب لايساوي الأخلاق
وهذا رأي العقلاء من الناس
تحياتي لك
اسف علي تدخلي... بس حقيقي تعليق "فارس عبدالفتاح" استفزني....
اولا لايجب تقديم وتفضيل هويتنا العربية علي هويتنا الدينية الاسلامية...
ثانيا.. تعليقك حتي ولو كان سليم - وان كنت غير متفق معاه - جاء بشكل مُنفر... اشبه بشعر الغزل الصريح عند الاعشي واو نواس... كان من الممكن صياغة التعليق بأسلوب اكثر تهذيبا ... فلماذا لم تقل "زي يصف اكثر مما يغطي" بدلا من هذا الوصف الدقيق الغير مبرر...
ثالثا .. والاهم انني لم افهم ماذا تقصد بتعليقك؟؟ ما فهمته انك تربط بين العفة والاخلاق وبين المظهر الخارجي بشكل مُطلق!! اعتقد انك مصري ويمكنك رؤية الكثير من العاهرات الاتي يتخذن من النقاب ستار لهن...
فلا علاقة بين الملبس وبين الاخلاق... العلاقة الوحيدة هي العلاقة بين تمام الدين والملبس... تمامه وليس عدمه...
شكرا..
أبوعلي
ياسلااااااااااااام
لقيت رااااااااجل يوقفلي
شكراااااااااااااااااااااااا
لو تسمحلي أقتبس من كلامك وأوجهه لأستاذ فارس
فلماذا لم تقل "زي يصف اكثر مما يغطي"
هذا هو الأحتشام في أختيار الكلمات والألفاظ
يسلم لسانك يا أبو علي
أولا : وقبل كل شيء أنا أردت أن أضع جزء من الواقع والحقيقة أمام القراء وحضرتك .. ليس لأني أحب هذه الألفاظ واعلم أن هذا لا يجوز شرعا وقد يتقبله آخرون في طور نسبية الأخلاق في نظرهم ... فالأخلاق تختلف قيمتها ونسبيتها من فرد إلى فرد آخر ومن مجتمع إلى مجتمع آخر .. فقد يرى إنسان في فعل ما أو مجتمع في فعل ما انه غير منافي للأخلاق بحيث أن فرد آخر أو مجتمع آخر يرى أن هذا يتنافى مع الأخلاق
فالأخلاق نسبية مثل القيم الفكرية أيضاً من فرد لفرد ومن مجتمع لمجتمع
المهم
نعم ألباس ليس مقياس لتقييم الأشخاص ..
ثانياً : الإسلام لم يأمر بالحشمة إنما أمر بالحجاب وعدم الاختلاط .. حتى نكون دقيقين في التحدث في هذه الأمور ووضعها في إطارها وإرجاعها إلى أصلها وأساسها .
ثالثاً : بما أن إنسانة منحرفة تتخذ من النقاب أو الحجاب ستار لتواري خستها وانحطاطها . . فإن الحجاب والنقاب ليس المشكلة .. المشكلة في الشخص وليس في النقاب والحجاب .. فالحجاب والنقاب تدعيم للقيم والأخلاق وليس ابتذال أو تعنت كما يوصفه الآخرون .. فالفطرة ذكر وأنثى .. ولم نخلق ولم نجبل على الملائكية وإلا لما خلقت الجنة والنار والحساب والعقاب .
وكذلك إذا كان رجل ذو أخلاق منحطة يرتدي جلباب ابيض وملتحي ولكنه غير منسجم مع نفسه تجاه هذا اللباس فالمشكلة تكمن في هذا الشخص وليس اللباس والزي
وهنا توضيح
الزي أو اللباس هو عرف وتراث ودين وأخلاق في نفس الوقت
فإذا تضاربت هذه الأمور في الشخص المرتدي لهذا الزى فالمشكلة ليست في الزى المشكلة في الشخص
... وأنا اعتقد أن الأخلاق الحميد والسجاية القويمة للنفس البشرية إنما تعبر عنها طريقة اللبس وطريقة المشي وطريقة الكلام وطريقة الصحبة والخصام أيضاً .. ولابد من اللباس أن يظهر الجوهر وليس العكس أن يكون المظهر مخالف للجوهر
فلا تكون إنسانة غير متحجبة سافرة ومتبرجة وتضع الزينة بجميع أنواعها وألوانها وتخرج إلي الشارع لتخالط الرجال ثم بعد ذلك تقول المهم الأخلاق .. أي معيار للأخلاق تتحدثون عنه .. إذا كان معيار الأخلاق الذي تتحدثون عنه بعيد عن تراثنا وثقافتنا العربية وديننا الإسلام أو المسيحية
فعفواُ
فليس هناك داعي لأي حوار بيننا لأني لا أناقش إلا من المنطلقات والثواب العربية الإسلامية واعتقد أنكم كذلك تناقشون هذا الموضوع من خلال هذه المنطلقات ..
أما إذا كنتم تناقشون الموضوع من منطلقات وثوابت أوروبية أو أميركية أو صينية أو يابانية أو روسية .. فهذا خارج عن نطاق النقاش والحوار العربي المسلم أو المسيحي وليس من اختصاصي وليس لي الحق أن أتحدث فيه أو أن أقيمه .. فلكل مجتمع ولكل حضارة قيمها الأخلاقية الخاصة التي تخص علمية النسبة والتناسب مع باقي الحضارات والقيم الإنسانية .
أما إذا كنتم تتكلمون من منطلق عربي إسلامي فارجعوا إلى مصادركم العربية والإسلامية وسوف تجدون الجواب الشافي الكافي
أشكركم على حسن الفهم والاستيعاب .. وببالغ العرفان أشكرك على سعدت الصدر
فارس عبد الفتاح ... قومي عربي
الأخ الفاضل / صاحب التعليق الأخير
عفواً .. أنا لست بصدد أن شرح واحلل العلاقة والترابط بين العروبة والإسلام
ولكن نفترض افتراض بسيط هو أني أقيم في جغرافية عربية وثقافة عربية ونفترض أيضا أني غير مسلم فما هو المشترك الذي يجمعنا
هل الإسلام .. بالطبع ( لا ) .. المشترك هو العروبة .. كذلك عندما يبيع مسيحيون فلسطين املكهم إلى اليهود فلماذا نتهمهم بالخيانة وأيضاً المسيحيون الشرفاء المخلصين لدينهم ولعروبتهم يتهمونهم بالخيانة
لأنهم عرب قبل أن يكونوا مسيحيون أو مسلمون
تقبل التحية والتقدير
فارس عبد الفتاح .. قومي عربي
بوست رائع
للاسف المجتمع اتغير والمظهر هو اللى بنحكم بيه على الاخرين المحجبات يكرهوا الغير مش محجبة والمنتقبات ينظروا بازدراء للمحجبة,
بنت اختى خمس سنوات كل ما تشوفنى وببراءة الطفولة تقولى رشا انتى حتدخلى النار عشان انتى مش محجبة
إرسال تعليق