السبت، 5 يونيو 2010

لماذا رحلتي ؟؟؟؟


أتذكركي كل يوم مع أذان الفجر....مع نسيم الصباح....مع شمس الأصيل

أنتي دائما معي تعيشين في جزء من قلبي
تركته لكي طول العمر 
وفرشته لكي بالحب والأمتنان
ولكن يزيد شوقي لكي في هذا اليوم خاصة لأنه اليوم الذي 
غبتي فيه عنا...رحتلي الي عالم أخر وتركتنا

لن أنسى هذا اليوم ما حييت 
خرج الطبيب من غرفتك
وقال لنا : البقاء لله
لم أدري ما العمل
أأصرخ ...أأبكي...أأرحل من المكان 
ولكن أين أذهب
الكل حولي يرددون إنا لله وإنا اليه راجعون
تركتهم ودخلت عليكي
ناديتك لكن لم تجيبيني
أقتربت أكثر وأمسكت بيديكي
فوجدت يداكي الدافئتان التي طالما غمرتنا بالرعاية والحنان
قد أصبحتا قطعتين من الثلج

رحتلي عن هذه الدنيا من غير توديع أو أستأذان

لماذا رحلتي ؟؟؟؟؟
أتعرفين أنه برحيلك عنا
غابت شمس بيتنا التي طالما نثرت النور والدفء فيه
أنكسرت المرآة التي كنا نرى فيها كل شئ جميل
تفرقنا بعدكي......كنتي البستان الذي يجمعنا بين زهوره  الجميله


كم أشتاق اليكي 
أشتاق  لضحكك لغضبك لدموعك
أشتاق الي خصلات شعرك الرمادي الناعم 
الي أن ألتف أنا وأخوتي ليلا حولكي نسمع أقاصيصك
الي الصلاة بجوارك في رمضان 
حينما كان أبي يأمنا في الصلاة وبعد أن ننتهي
يطلب منكي الدعاء لنا
كنت أنظر الي وجه أبي وأمي وهم ينظرون اليك
ودموعهم تسيل من روعة كلماتك

جدتي الحبيبه
كنتي أجمل عطايا الكون لنا 
تعلمت منك الكثير وأدين لك بالكثير
لم نهدي لك يوما باقة ورد
ولم يتذكر أحدا فينا يوما الأحتفال بيوم مولدك

ولكن كنتي دائما قافلة حب
 وردة  تنثر عطرها
ينابيع يتدفق منها الحنان
ولكن
ماتت الشجرة
دون ان تخبرنا أنه حان موعد الفراق 

نعم الموت حق..... لكنه صعب جدا
رحمك الله يا جدتي الحبيبه


هناك 35 تعليقًا:

♥♥ شذا ♥ الروح ♥♥ يقول...

رحمك الله يا جدتي الحبيبه

♥♥ شذا ♥ الروح ♥♥ يقول...

أنه حان موعد الفراق


نعم الموت حق..... لكنه صعب جدا

تعرفى بجد إن الفراق ده صعب أوووى جدآ
بس غصب عننا اللى بنعمله لما حد عزيز علينا بيفارقنا
وربنا وهبنا بنعمة الصبر والنسيان

ربنا يرحمها برحمته
ويدخله فسيح جناته
انا لله وانا اليه الراجعون
قلبى معاكم

♥♥ شذا ♥ الروح ♥♥ يقول...

على فكره كلامك أبكانى بشده لان بمر بحاله صعبه وقلبتى عليا المواجع حبيبتى

Tarkieb يقول...

الله يرحمها ....بس عارفة في ساعات بيبقى الواحد محظوظ كمان في اللحظات الوحشة.دي ..يكفي انك شوفتيها قبل وبعد الموت ...اصعب حاجة بقى ان حد يروح منك وما تشوفيه...ومفيش حد بيموت وبيمشي صدقيني واكيد موجود في كل مكان حواليكى ...المهم بس اننا نستخدم البصيرة مش البصر....لماذا رحلتي؟ اعتقد انه سؤال لا يسال لانه هي دي الحقيقة الوحيدة في الدنيا

أحمد الصعيدي يقول...

رحمها الله


أنا جيت قلت أخد أول تعليق


وكالعادة فشلت


أسعدك الله

من كل بستان زهرة يقول...

شذا
فعلا اكبر نعمة في حياتنا هي النسيان
من غيره الدنيا كانت هتبقى جحيم

معلش حقك عليه اني وجعتلك قلبك

أنا كمان والله اليوم ده بيعدي عليه بصعوبه
بس هذه هي الحياة

ربنا يسعد أيامك كلها

من كل بستان زهرة يقول...

تركيب
يكفي انك شوفتيها قبل وبعد الموت

أعتقد أنه بعد الموت ده شئ سيئ
بيترسم في خيالك وأستحالي تنسى
كل ما أغمض عيني بشوف شكلها وهي متوفيه
شعور صعب جدااا
ربنا يرحمنا برحمته
أنا مش بسأل ومش قصدي أعتراض
ده قضاء الله
بس يمكن تعبير عن الحزن

تحياتي

من كل بستان زهرة يقول...

أستاذ أحمد

رحم الله جميع أموات المسلمين

أحنا الأتنين متشابهين جدا
أنا كمان دايما بفشل في أن أتواجد في التعليق الأول
دايما بكون في المركز الأخير

بس مليش دعوه أشمعنى عندي بتفشل
لازم تشوفلك حل

لأ بجد أنا يكفيني مروك عندي وتشريفك ليه
مدونتي بتنور بمجرد وجودك فيها
تحياتي

غير معرف يقول...

على فكره انتى انسانه جميله اوى بجد

حبك للأهل بينم على شخصيتك الطيبه وذكرك لهم دائما بالقول الحسن ربنا يخليهملك يارب

رحمة الله لجدتك ولأموات المسلمين جميعا ويارب تفتكريها دايما بكل جميل

الحياه ماهى الا رحله قصيره وكلنا رايحين عند اللى خلقنا بس هو الفراق بيكون صعب علينا

دمتى بخير وحب

أحــوال الهـوي يقول...

كلما قرات كلماتك احزن و لكنني في نفس الوقت يفرح فؤادي

احزن لهواجس ذكرياتي التي تشتعل كلما تكلمتي عن احبابك وفاتذكر احبابي

و يفرح قلبي بك لانك مثال نادر للبشر قد احتفي منذ زمان
من يخلص للجميع من يحب الجميع من يشتاق و يعلن عن حبه

بارك الله بك و بامثالك
كم تمنيت ان تكوني ابنتي

تحياتي

richardCatheart يقول...

حاسه بيكى اووووووووى وفاهمه انت فقدتى ايه

اعتقد ان كل من نحبهم بهذا القدر لم ولن يرحلو ابدا من عقلنا وقلبنا وعالمنا

يمكن الجسد بيرحل بس الروح باقيه فينا فى صوره كلمات وذكريات جميله شوفى كلامك عنها هنا وانت تعرفى هى رحلت ولا لاء

صحيح الموت صعب والفراق الاصعب بس دى الحاجه الحقيقيه الوحيده فى حياتنا ودى الحاجه الوحيده اللى مانقدرش نعمل فيها حاجه

تحياتى يافلورا طولت العمر ليكى تعيشى وتتهنى وتفتكرى وتكثرى من الدعاء ليها


اللهم ارحمها وارحم ابى واحبائناواهل المسلمين
اللهم اجعلهم مع احبابك الصالحين
واجعلهم من اهل الجنه اجمعين

اللهم صلى وسلم وبارك على سيدنا محمد وال بيته وصحبه اجمعين

سمع هوص (Abo 3li) يقول...

البقاء لله... ربنا يرحمها ويرحمنا...

كلمات من نور يقول...

رحم الله موتانا وموتى المسلمين ...حديثك عن جدتك يشبه كثيرا موضوع موت جدتي رحمها الله ....كنت معها و لقتنها الشهادة وقالتها بصوت هامس ونزلت مع خالتي لقضاء امرا هام وحينما عدنا وجدت خالي مع أصدقاء له على باب العمارة فتوجس قلبي ونظرت في وجهه فوجدته بلا تعبير فطلعت أجري على السلالم رغم كثرتها في بيت جدتي القديم وودخلت لتقابلني خالتي تبكي وتحتضني فعلمت أن الله استرد وديعته ودخلت عليها لأجد وجها مضيئا كالقمر يستقبل القبلة في سلام .....رحمهم الله آجمعين

من كل بستان زهرة يقول...

الحب الجميل

ربنا يخليكي بلاش الكلام الحلو ده بعدين أشوف نفسي

فعلا الدنيا دي عاملة زي محطة القطار
ربنا يرحم جميع أموات المسلمين

أسعدك الله

من كل بستان زهرة يقول...

دكتور عصام

حفظك الله
شرف كبير وتقدير لي ان يكون لي والد بقيمتك وروعتك

وأعتذر عن كوني سببت لك أي حزن
بتجرعك لذكرياتك مع أحبابك

هذه هي الحياة
رحم الله جميع أموات المسلمين

أسعدك الله

من كل بستان زهرة يقول...

قطقوطه
عليه أفضل الصلاة وأتم التسليم

عندك حق الصوره والجسد بيرحل بس الذكرى باقيه
من روعة الأشياء الي تركوهلنا

عارفه أحنا بنتكلم عنها في البيت كتير وطول الوقت كأنها لسه معانا
بس بجد تركت فراغ كبيييييير

وخلاص ياقطه فلورا أمبارح أتبلت وأتقطعت من كتر العياط

عايزين علبة فلورا جديده

أسعدك الله

من كل بستان زهرة يقول...

أبو على

البقاء لله وحده
ربنا يخليك

ويرحم أموات المسلمين جميعا

غير معرف يقول...

ليكي رسالة علي الهوت ميل


اتفضلي حضرتك استلميها




صباح الخير

من كل بستان زهرة يقول...

كلمات من نور

رحم الله جدتك وأدخلها الفردوس الأعلى هي وجميع موتانا
ورحمنا اذا صرنا الي ماصاروا اليه

أنا بقى جدتي كانت كويسه جدا
وصحتها ممتازه
جالها شويه برد بسيط ويومين نوم في السرير
الثالث جبنلها الدكتور دخل يكشف عليها
لقاها أتوفت
كويس ان الدكتور الي خد الصدمه دي
مش أحنا

اللهم أغفر لنا ولها ولجميع المسلمين

حاجات جوايا يقول...

ربنا يرحمها يارب ويجعل مثواها الجنة هى واجدادى جميعا وموتى المسلمين
الجدة فعلا بتكون فيض الحب والعطاء اللى من حسن حظنا اننا لحقناهم ونلنا نصيبنا من طيبتهم وروعتهم وعطاهم وحسن خلقهم
رحمهم الله جميعا وجمعنا بهم فى الجنة ان شاء الله
رزقكم الله الصبر والسلوان

أم الخلود يقول...

رحمها الله وأسكنها فسيح جناته .. وجعله الله في ميزان حسناتك آمين

من كل بستان زهرة يقول...

حاجات جوايا

عندك حق بيبقى محظوظ جدا الي يلحق أنه يعيش فترة مع الأجداد

لأنهم رمز الطيبه والعطاء
وهما الي بينجدونا من عقوبات الأهل
ربنا يرحمهم جميعا ويجعل مثواهم الجنة

تحياتي لكي
نورتيني

من كل بستان زهرة يقول...

أم خلود

اللهم أمين يارب هي وجميع موتى المسلمين

تحياتي لكي ولمرورك
نورتيني

فارس عبدالفتاح يقول...

مشاعر جميلة ونبيلة

ولكن


هذه هي الحقيقة التي لم يستطع بني البشر ان يدركوها الى هذه اللحظة من تاريخهم البشري الذي يمتد لاكثر من مليون سنة على سطح هذا الكوكب

من كل بستان زهرة يقول...

أستاذ فارس
أشكرك على كلماتك

العقل البشري أقل من أن يدرك الحكمه من الموت
وذلك لصعوبته على النفس البشريه
ولكن الموت حقيقه لامفر منها

رحم الله أموات المسلمين جميعا

تحياتي لك

ليله شتاء يقول...

السلام عليكم

ربنا يرحم جدتك ويدخلها فسيح جناته
فأنا جميعا لله وانا اليه لراجعون

عليكى بالدعاء لها دائما


*******
أعتذر جداااا فى تأخيرى فى متابعتك

دمتى بخير وسعادة

Bent Men ElZman Da !! يقول...

ربنا يرحمها وفى الجنه ان شاء الله
كلامك مأثر اوى بجد

هوبتي يقول...

انتي خليتيني اعيط
لان انا ذكري وفاة امي قربت

من كل بستان زهرة يقول...

ليلة شتاء
اللهم أمين ربنا يستجيب مننا جميعا

ولا يهمك يا جميله
المهم في الأخر انك نورتيني
انتي تيجي في أي وقت
البيت بيتك

تحياتي ليكي

من كل بستان زهرة يقول...

بنوته

أخبارك أيه
ربنا يرحمها يارب

ربنا يخليكي يا جميله
نورتيني

من كل بستان زهرة يقول...

هوبتي

ربنا يرحمها يا حبيبتي
حقك عليه
والله مكان قصدي أوجع حد
ربنا يرحم والدتك ويدخلها فسيح جناته
ويعوضك عن بعدها عنك

علشان خطري أوعي تعيطي
نورتيني

(ست* جنى* الحسن) يقول...

سلامو عليكو..
رحم اله جدتك الغالية هى وجميع موتى المسلمين.
برجاء قبولى صديقة للمدونة.
انى احبك فى الله

من كل بستان زهرة يقول...

جنى
أحبك الله الذي أحببتني فيه
ربنا يخليكي وربنا يرحم جميع موتى المسلمين

أنا مش هعتبرك صديقه انتي أخت ليه
يارب أكون عند حسن ظنك
نورتيني وشرفتيني

RASHA يقول...

اسكنها الله فسيح جناته وصبر قلبك

jounes يقول...

كتابه رائعه جدا ...والدى ديما يقولى (اكثر من النظر الى الاحبه فربما لاتراهم بعد قليل) انا معرفش مصدرها بس بجد لما قرأت الكلام دا حسيت بكل حرف فيه ...رحمك الله ياجدتى الغاليه ..