الثلاثاء، 21 سبتمبر، 2010

أيها الخوف ....... أرحل عني





ألم يكفيك هذا العمر الذي مر علينا معا
أما مللت وجودك معي
أما يكفيك ما فعلته بي 
أرحل وأبتعد عن طريقي 
لماذا تسير خلفي كظلي أحاول ان أهرب منك وأن أخفيك عن حياتي
لكنك أصبحت كوطن لي أسكنك وتسكنني 
مر عمري وانا أخاف منك وأخف أن أعترف بكرهي لك
عشت معي تلازمني فستطعت أن تفقدني كل شعور جميل
وأستطعت أن تحرمني حلاوة قربي ممن أحب
الوقت معك طويل ..................
ومعك يمر كل شئ أمامي كغيوم حالكة السواد
أتعرف ......
أنت ضيف ثقيل علي
أصبحت أنام على دموعك وأستيقظ على آلامك
تمر على كل الناس كعابر سبيل سرعان ما تنجلي غبرتك الخانقة عنهم
فلماذا تصاحبني
أجدني قد أصبحت تابعة لك 
لا أرى ولا أسمع غيرك
في نومي أحلم بك .. في يقظتي أبحث عنك
أغضب أفرح أضحك أبكي من أجلك أنت

 لقد حاولت مرارا أن أجعلك تنحني لي وتركع أمامي
كم رفضت أن أمنحك حق الوجود داخل كياني
ورفضت أن أمنحك الحق في بعثرة أحاسيسي
ولكني اليوم أعترف أني فشلت  
اليوم وأنا أقلب في صفحات الماضي 
أجدك في كل صفحاتها تتربع على عروشها
نعم أعترف بفشلي في أبعادك عني

فالأن أتوسل إليك أن تتركني أنت
أبحث عن غيري فقد أكتفيت من ملازمتك لي
أرحل فسوف تجد حياة أكثر متعة مع غيري
سوف تجد سعادة تمحوها عنده .....
أما أنا فقد أستطعت أن تفسد ما مضى من عمري 
أما القادم........
فقد علمتني ما يكفيني أن أفسده بنفسي


هناك 39 تعليقًا:

ديالا يقول...

مش هو المفروض الي يبعد عنك انتي المفروض الي تبعدي عنه

لانه بيحب يتملك من البشر وقوته في انه يتحكم فينا خليكي انتي اقوي منه وابعدي عنه واتحكمي انتي فيه

richardCatheart يقول...

جميل يا فلورا

انت ند قوى اعتقد انك هاتعرفى تبعديه وبقوه

Tamer Nabil يقول...

الخوف شعور انسانى لكن يجب الا يزيد عن حدة كما نقول

ربنا يوفقك ويكرمك

مع خالص تحياتى

الحب الجميل يقول...

ازيك يا زهرة
جميله ... كلمات مؤثرة و راقيه
تسلم ايدك وخواطرك الرائعه
نورتى البلوجر با اجمل البوستات
والصورة عجبتنى...
دمتى بخير

من كل بستان زهرة يقول...

ديالا
انت عندك حق
عارفه أنا حولت كتير بس أول مره أكتشف اني ضعيفه
مع ان معروف عني القوه وانا اتربيت على اني مخليش حاجه تهزمني
بس بجد انا حاسه ان ده مرض وعايز علاج

عموما انا سعيده انك نورتيني يا جميله

من كل بستان زهرة يقول...

قطتي حبيبتي

ند قوي أيه بس
ياريت ابقى كده
بجد انا تعبت ونفسي أبطل الخوف الزياده ده
مش عارفه ده عدم ثقة بالنفس ولا مرض ولا أيه
عموما أنا صحيح نفسي أخلص منه
بس في نفس الوقت اتعودت أعيش كده

يعني انا عايشه سواء بيه أو من غيره

من كل بستان زهرة يقول...

تامر نبيل

كلامك صحيح
كل الناس بتخاف
ده حاجه ربنا خلقا فينا
المهم انه ميزدش
بس نخليه ميزدش ازاي ده الي انا نفسي أعمله

تحياتي لك

من كل بستان زهرة يقول...

يا أجمل وأروع حب
وحشتيني

وربنا يخليكي على كلامك الجميل
دايما بتحرجيني كده بذوقك

وأتفضلي الصوره لو عجباكي
متغلاش عليكي يا جميلة

منوراني

أحــوال الهـوي يقول...

ليه المرارة و الاستسلام

اللي عارفه انك قلبك كله حب و وفاء
و اللي بيملك كل هذه المزايا بيبقي غير قابل للهزيمه

و يتعافي بسرعه

اريد ان اقرا المرة القادمة عن تفائل و اشم رائحة الحب و اسمع اهازيج السعاده

تحياتي

من كل بستان زهرة يقول...

دكتور عصام

انا مش عارفه ايه الي حصلي
مع اني طول عمري عايشه كده
بس الفتره الي فاتت بقى خوفي زياده اوي

لو أتصلت ببابا ومردش أحس أن قلبي هيوقف
لو حد من أخواتي هيسافر أفضل قلقانه ومرعوبه لحد ما يطمنى أنه وصل
خايفه على بابا وماما جدا أفقدهم
بخاف اتعامل مع الناس

أنا ساعات مبيني وبين نفسي أبكي من الخوف وميكونش في سبب

نفسي أقدر أخرجه من جوايا


انا مش عايزه أوجعلك دماغك معايه
تحياتي وتقديري لك

sendbad يقول...

هدوء جميل محبب الي النفس هدوء هذه المدونة
بجد مدونة راقية تستحق المتابعة والاهتمام
بالنسبة للبوست اي مشاعر في الانسان لازم تبقي موجودة جوانا سواء كانت خوف كره قلق حيرة حب لكن لازم تكون وسطية وما تزديش عن حدها والا تنقلب للضد
تحياتي ليكي وللمدونة

فارس عبدالفتاح يقول...

الخوف اسبابه كتيييييييييير لكن المسبب الرئيس هو طلب المثالية في الامان وهذا امر ليس مستحيل بل محال .. فالحياة الدنيا ليس دار البقاء والنعيم المقيم .

فارس عبدالفتاح .. قومي عربي

من كل بستان زهرة يقول...

sendbad
أشكرك على ذوقك وكلماتك
وأتمنى اني أكون أستحقها بجد

عندك حق الوسطيه في كل شئ أمر مهم
بس ساعات الواحد بيبقى أضعف من مشاعره وأحاسيسه وبيخليها هي الي تتغلب عليه

أسعدني وجودك
وتعليقك عندي نور مدونتي
أسعدك الله

من كل بستان زهرة يقول...

أستاذ فارس

طلب المثاليه في الأمان أمر محال

عجبني تعبيرك جدا جدا لأن فعلا هو ده الي انا ببحث عنه
يعني انا ببحث عن المحال
علشان كده هفضل طول عمر انا والخوف يسكن بعضنا الأخر

تحياتي وتقديري لك

أحمد الصعيدي يقول...

متي تتفتح الزهور


سيذهب الخوف حتما

زهرة


أسعدك الله

ساسو يقول...

وحشتيني يا زهوره

كلماتك مؤثره جدا يا قمرايه

والخوف هينتهي اكيد

ربنا يوفقك يا حبيبتي

amiralcafe يقول...

انا من تونس اكتشفت مدونتك عن طريق اخ رامي اعجبنتني تدونتك هذه واستاذنك في نشرها عندي.شكرا رؤوف

Ramy يقول...

الخوف

شعور انا بأشعر بيه دلوقت كتير

بس على قد كدة متحكمش فيا

غير علشان حاجة واحدة

الخوف من ضياعها

من انى افقدها

جميلة الكلمات

تسلم ايدك

من نبهنى للمدونة و الكلمات صديقى

رؤوف من تونس

اول زيارة لكن مش اخر بأذن الله

(:

أحمد شريف يقول...

" وَاسْتَعِينُوا بِالصَّبْرِ وَالصَّلَاةِ وَإِنَّهَا لَكَبِيرَةٌ إِلَّا عَلَى الْخَاشِعِينَ " سورة البقرة

هذا حل ..
موفقة بإذن الله

ليله شتاء يقول...

السلام عليكم
واحشتيى مووووت ووحشتى مدوتك


حمدالله على السلامة عارفة انها متأخرة عقبال الاجازة والرحلة اللى جاية

كلامك جميييييل أووووى


دمتى بخير

من كل بستان زهرة يقول...

أحمد الصعيدي

الزهور ذبلت واقترب موعد موتها

أسعدك الله

من كل بستان زهرة يقول...

ساسو يا حبيبتي
وحشاني

يارب يذهب

منوراني

من كل بستان زهرة يقول...

رؤوف

أهلا بتونس الخضراء وشعب تونس الحبيب

يشرفني ويسعدني تواجدك عندي

وكلماتي سوف تزداد جمال بنشرها عندك

أسعدك الله

من كل بستان زهرة يقول...

رامي

نورت مدونتي
أحيك في قدرتك على التغلب على الخوف

أتمنى أن لا تكون هذه الزيارة الأخيره لك

أسعدك الله

من كل بستان زهرة يقول...

أحمد الشريف

صدق الله العظيم

أعتقد ان هذا هو أفضل الحلول
أشكرك

نورتني

من كل بستان زهرة يقول...

ليلتي

أنت وحشاني جدا جدا جدا
الله يسلمك

ربنا يخليكي يا جميله
وأرجعي بقى بسرعة

أسعدك الله

غير معرف يقول...

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

sendbad يقول...

فين الجديد ؟

sendbad يقول...

فين الجديد ؟

sendbad يقول...
أزال المؤلف هذا التعليق.
من كل بستان زهرة يقول...

سندباد
قريب ان شاء الله

ميرسي على سؤالك

محمد التركى يقول...

السلام عليكم

زهره
مدونتك جميله جدآ
وكلامك أجمل وأجمل

الخوف
لو خفتى منه هيفترسك
ولو خوفتيه منك هيبعد عنك
ولو بعد عنك
هتعيشى حياه مختلفه

ربنا يبعد عنك الخوف
ويبارك فيكى

تقبلى مرورى الاول
وأتمنى التواصل مابينا
فى انتظار رأيك على بوستى الجديد اللى بعتبره اتهف وأسوء بوست
لانى كتبته علشان أسوء انسانه قبلتها فى حياتى
بس قولت أكيد رأي الناس العقلاء اللى زيك مهم بالنسبالى

باقه ورد من أجمل بستان فى العالم
أهديه لقلبك الجميل

نحند التركى

sweet angel يقول...

ربنا يرضى عنك ويزكي نفسك ويرزقك السعاده

من كل بستان زهرة يقول...

محمد التركي

نورتني وشرفتني
وأشكرك على كلماتك الرقيقه

أكيد هقرأ البوست الي نزلته

أسعدني وجودك

من كل بستان زهرة يقول...

سويت أنجل

ربنا يخليكي ياجميله

نورتيني يا أحلى ملاك في الدنيا

Ĥ!bØ يقول...

الخوف نواجهه بالخوف في الغالب
الخوف من الله سبحانه

هيما الفنان يقول...

بجد موضوعك كويس جداااااااااااااااااا

من كل بستان زهرة يقول...

هيبو
أعظم خوف هو الخوف من الله

وأتمنى الخوف الباقي يختفي

نورتني

من كل بستان زهرة يقول...

هيما
ميرسي
نورتني بزيارتك