الثلاثاء، 5 أكتوبر 2010

أبقى بقربي




لا أعرف لماذا اريدك ؟ 
وماذا أريد منك ؟

لست أحتجز لك مكانا في قصتي
وليس لك وجود في لوحتي

ولكني أراك تشاركني حياتي 
وأحقق معك جميع طموحاتي

حينما أراك
لا تشع عيوني بالنور
ولاتمتلئ روحي بالسرور
ولا اشعر بدقات قلبي تتراقص بداخلي

ولكني أحب أن أراك
وأن أخفي صورتك تحت وسادتي 
وأرقابها ليلا تحت أضواء القمر

لأعرف سببا لهذا الشعور
قد يكون سببه أني أستشعر فيك بريق الأمل
ومعك يظهر البدر في حياتي ويجعلها تكتمل
أو لأني أرى في قلبك الأمان 
وحروفك تسيل منها قطرات الحنان

لا أعرف لماذا أحب ان أراك 
رغم أن معي الكثيرين الذين يملؤن حياتي بالورود

ولكني
أشعر معك بالهدوء
أبقى بقربي


هناك 31 تعليقًا:

ألوان يقول...

جميلة جدا
وصفتي نوع من الحب موجود
لا بحبك ولا أقدر على بعدك

بس كلامك هادي ورقيق

تحياتي لك

عمرو يسرى يقول...

الله على الجمال
كلمات واحساس اكثر من رائعه
اعتقد ان اللحاله ديه بدايه حاله حب

بنت وولد يقول...

كلنا بيكون فيه ناس كده فى حياتنا
ناس مش بنحبهم حب الولد للبنت
و لا حب الراجل للست
ولكن حب من نوع مختلف
حب الاطمئنان و الائتناس بهم و بعطفهم و حنانهم
ناس بيكونوا طاقه نور لينا بنستمد منهم
طاقه ايجابيه تمككنا من الاستمرار
حسيت البوست ده اووووى عشان انا فى حياتى شخصيات من هذا النوع

الموسيقى فى الخلفيه لايقه اووووى على البوست


دمتى بكل ود


بنت

فارس عبدالفتاح يقول...

لانك ترين فيه الجانب المضئ وتتغافلين عن الجانب المظلم

هذا بكل بساطة ومن الواضح انك ترين من جانب واحد او لا توازنين بين الجانبين سواء معه او مع الاخرين فانت تبحثين عن ما تردين فقط وتنفرين مما لا ترديه فقط

وهذا شيء غير منطقي غير صحيح كلياً . فلن تجدي ما تريديه كاملاً صافياً خالياً من اي شوائب الواقع ليس كذلك ايتها الحالمة ونفوس البشر ليست شيء واحد


فالنفس جوهر لا عرض، وحد الجوهر أنه قابل للأضداد من غير تغير، وهذا لازم للنفس، لأنها ‏تقبل العلم والجهل، والبر والفجور، والشجاعة والجبن، والعفة وضدها، وهذه أشياء أضدادٌ، من ‏غير أن تتغير في ذاتها .

ولكن تغليب شيء على شيء هو الظاهر للعيان .

لذلك قد تستغربين وتفاجئين بتصرف من فرد لا تتخيلي انه ياتي بمثل هذا الفعل .

لانك لا تعليم ان النفسه قابلة في ذاتها للاضداد.

أحمد الصعيدي يقول...

هو حب بلا شك ولكن حب خوف وطمع هر تريده بجوارها وربما لأنها عاشت حياتها طليقة تخشي حبه والرحيل إليه


أنثاك يا سيدتي تتمني لو تبقي بقربه لأنها تحبه ولكن مع الأسف حبها لنفسها أكبر

أما هو فأعتقد حتما سيهرب من هذا الحب البارد لأنه سياف مميت

أسعدك الله يا زهرة

فارس عبدالفتاح يقول...

عفواً

نسيت اقول لك شيء الا وهو انك تريديه ولكن بعد الحسابات الدقيقة بالعقل تجدي انه ليس المناسب او الشخص الذي لا تريديه .

وان هذا الشخص يفهمك جيداً وهذا ما يجذب انتباهك فاحذري ان يكون هذا لعب على الاوتار الحساسة

والدليل هو قولك

لست أحتجز لك مكانا في قصتي
وليس لك وجود في لوحتي

ولكني أراك تشاركني حياتي
وأحقق معك جميع طموحاتي

من كل بستان زهرة يقول...

الوان

ربنا يخليكي
فعلا في ناس كده
لابتحس بالحب ولا بتقدر على البعد
بس هو ده يبقى طمع
معرفش

عموما انا سعيده انك نورتيني

من كل بستان زهرة يقول...

عمرو يسري
ميرسي على كلامك

بس لا حب جديد ولا قديم
مش شرط ان الي بكتبه يكون عن نفسي

منورني

باحث عن حب يقول...

كلمات تفوق الوصف
بالفعل احساس
راقى وعالى



ولكني أحب أن أراك
وأن أخفي صورتك تحت وسادتي
وأرقابها ليلا تحت أضواء القمر

مقطع رائع

أحــوال الهـوي يقول...

يا ابتي ابدعتي
و لعل هناك توارد في الفكرة بيننا
فلقد بدات في كتابة استشغر بها نفس المعني و لكنني اختلفت في الصياغه

مطلعها
بتحبني ؟ قاللي...... لا
بس قلبـــي اختار ورق
حن ليك و احتار و دق
شفت منك كل فرحه
بس كلمة حب لا


كده مش هاقدر اكملها او اكون قد اقتبست الفكرة

تحياتي

من كل بستان زهرة يقول...

بنت وولد
عندك حق يا بنوتة
أنتي أختصرتي كل الي أقصده في كلامك
الناس دي بيبقى ليها دور كبير في حياتنا
وبنبقى منقدرش نبعد عنهم

منوراني
دمتي بحب

من كل بستان زهرة يقول...

أستاذ فارس
الكلام الي بكتبه مش بالضروره يكون يعبر عني أو عن حاله انا عيشاها

حاله بشوفها قصادي
في أشخاص بيبقى وجودهم ضروره في حياتنا
ولكن مش الوجود العاطفي
سند في الحياة يعينك على تحملها

((فانت تبحثين عن ما تردين فقط وتنفرين مما لا ترديه فقط ))
الجمله دي زعلتني جدا
انا مببحث عن طلباتي فقط الطرف الاخر له حق عندي لازم ياخده
مفيش حد بيقدر يعيش ياخد بس
ويشكل الكون على مايريد
الحياة عطاء في البدايه
وعلشان اجد ما اريد لازم اعطي اولا

يارب تكون الفكره وصلتلك
سعدت بوجودك

من كل بستان زهرة يقول...

أحمد الصعيدي

ليس كل علاقة بين رجل وأمراه ياشاعر تعني
الحب
هناك علاقات أسمى بكثير
لانستطيع ان نمحوها من حياتنا

أسعدك الله

من كل بستان زهرة يقول...

محمود

أشكرك على ذوقك ورقتك
انا مبسوطه ان كلامي عجبك

تحياتي ليك

من كل بستان زهرة يقول...

والدي العزيز

بجد عجبتك
دي حاجه افتخر بيها

بتحبني ؟ قاللي...... لا
بس قلبـــي اختار ورق
حن ليك و احتار و دق
شفت منك كل فرحه
بس كلمة حب لا

رااااائعه
كملها ياريت

يارب يحفظك ويخليك ليه

غير معرف يقول...

كلمات جميلة يا زهرتى ..
تسلم ايدك
تحياتى

من كل بستان زهرة يقول...

يا أجمل حب
ربنا يخليكي ده بس من ذوقك
اهم حاجه ان كلامي يعجبك يا قمر

بحبك

ساسو يقول...

احساسك ممتع جدا ولذيذ
تسلم ايديكي يا ارق زهوره

فارس عبدالفتاح يقول...

اولا : انا اسف على سوء الفهم الذي حدث .

ثانياً : سواء اكان هذا الكلام يعبر عنك او لا يعبر عنك ، فانت الذي وضعتيه وانت الذي قمتي بعرضه .. فلا جرم اني اوجه الكلام لك ،، والا فلمن اوجهه .

ثالثاً : اذا كنت قد اسأت فانا اسف ولم اكن اقصد الاساءة .

eng_semsem يقول...

كلامك جميل وشعرك لذيذ وحاله جميله بتحصل كتير بس غصب عننا احيانا لازم ندوس على قلبنا عشان نكمل حياتنا لان لو كملنها مع اللي بنحبه يبقى بنكتب بايدينا نهايتنا

من كل بستان زهرة يقول...

ساسو
ربنا يخليكي يا جميله
انتي الي كلامك كله رقه

نورتيني

من كل بستان زهرة يقول...

أستاذ فارس

لا داعي للأعتذار

نورتني

سندباد يقول...

كلمات بسيطة ورقيقة من مدونة رقيقة وراقية
كلنا بيبقي في حياتنا شخص عزيز منقدرش نستغني عنه وبنحس بالامان لما بيكون موجود في حياتنا حتي ولو بنشوف علي فترات انما مجرد اننا عارفين انه موجود بنطمن
احسنتي
فكرة جميلة وجديدة
تحياتي

من كل بستان زهرة يقول...

eng_semsem

ميرسي لذوقك
فعلا مش كل الي بنتمناه بنقدر نحققه

نورتني
ويارب متكونش الزياره الأخيره

من كل بستان زهرة يقول...

سندباد
دايما بتحرجني بذوقك

تصدق فعلا الناس دي بنسأل عنها كل فتره
ومجرد معرفتنا انهم لسه جنبنا بنحس بالأمان

نورتني جدا

Tarkieb يقول...

مش لازم الواحد يعرف فايدة الشئ عشان يعوزه...المهم ان الواحد مايقدرش يعيش من غيره وخلاص ..في ناس كتير ماتعرفش إيه وظيفة الدم واول ما تنزف تقول الحقوني ح اموت يا اولاد خلاص فيصت هههههههه .احسنتي يا ستي .....

من كل بستان زهرة يقول...

تركيب
هههههههههههههه
حلوه دي في ناس متعرفش فايده الدم
يعني انت عايزهم يبقى عندهم دم وكمان يعرفوا فيدته
حرام عليك بلاش افترى

نورتني
وسلام كبير أوي أوي لعم شبطه الي مستنياه بفارغ الصبر

محمد التركى يقول...

برافو برافو برافو

بجد تسلم ايدك
مش بقولك ابداع
بالرغم من انك زملكاويه
بس بحب كلاماتك
وبسعد بيها

انا زعلان ان البوست الروعه ده فاتنى وبعلق عليه متأخر قوى

معلش سامحينى

تقبلى تحياتى لقلبك الجميل

محمـــد التركـــى

من كل بستان زهرة يقول...

محمد التركي

انت فين ياابني اختفيت فجأه
وبعدين مالو الزمالك بقى
معلش ده النادي الملكي
ايه انت بتقول حاجه
أه بفتكر

ميرسي بجد على ذوقك وكلامك الجميله
متزعلش المدونه بتاعتك ادخل على اي موضوع وعلق برحتك وفي الوقت الي يعجبك

نورتني

أحمد الصعيدي يقول...

اي علاقة دون ذلك يا زهرة البستان هي أقرب للخطيئة أيا كانت


رأي صعيدي لا يمت إلي بحريتكم بصلة أعلم ذلك

كـــــــــــــل الالوان يقول...

وصفتنى بجد تسلم ايديك
مبدعه وكلك احساس