الأربعاء، 13 أكتوبر 2010

صديقتي الصامته






عندما تجتاحني رغبة شديده في البكاء 
أدفن وجهي في وسادتي وأضمها بين أحضاني 
وأدير ظهري للعالم كله
في هذا الوقت فقط تشعر عيوني بالأمان
وتترك نفسها لتبكي دون خجل

عندما تمر في حياتي بعض الأزمات
أجلسها أمامي وأشتكي لها ألامي

وفي وقت غضبي أصرخ فيها 
وأطرحها  أرضا من أمامي

بعدها أقترب منها فأسمعها تنوح من أجلي 
كأنها جزء مني يحس بأوجاعي

وقت سعادتي لا أجد غيرها حتى أرقص معه في أرجاء غرفتي

وسادتي الحبيبه
تمتلك جاذبية عجيبه
تجعلني أبوح لها بكل أسراري
وأرسم معها دنيا من خيالي

فقط حينما أضع رأسي عليها أذهب معها في رحلة من الأفكار
وأقص عليها حكايات يومي 
فأجدها تصبر على صمتي
وتستمتع بهذياني 
وتهوى همسي 

ثم تغمض لي عيني وتأخذني الي عالم من أجمل الأحلام

صديقتي الصامته 
لا أعرف كيف أرد لكي حنانك الدائم معي
ولكن ثقي بأني لن أجد يوما صديقة أوفى منكي

هناك 37 تعليقًا:

Carmen يقول...

اولا شرف لي وجودي هنا لاول مرة
وشرف لي ان اضع اول تعليق
اخدت جولة سريعة اوعدك تتكرر
اسلوب رقيق وبسيط
تسلم ايدك زهرة

احترامي وتقديري
¥k¥

Carmen يقول...
أزال المؤلف هذا التعليق.
Ramy يقول...

ليس دائما

تكون الصديقة الصامتة
.
.
.

وفية

صيدلانيه طالعه نازله يقول...

جميل اوى البوست
هااااااااادى و رايق
كلنا بنحس نفس الاحساس تجاه شيىء معين
انا بقى مش الوساده
بالنسبالى الورقه و القلم هما من يحتضنونى فى وقت غضبى
ووقت دموعى
ووقت فرحى احيانا
هما من اشكو بهم حالى الى نفسى وربما الى بعض المقربين
اشعر معهما براحه غريبه
لمسنى كلامك الجميل
ربنا يروق بالك حبيبتى

غير معرف يقول...

جميله اوى يا اجمل زهرة

فقط حينما أضع رأسي عليها أذهب معها في رحلة من الأفكار
وأقص عليها حكايات يومي
فأجدها تصبر على صمتي
وتستمتع بهذياني
وتهوى همسي
جميله اوى الجزء دا
رقيق البوست
تسلم ايدك يا زهرتى
تحياتى

سندباد يقول...

وما زال الابداع مستمرا
فكرة جميلة وجديدة وفي ترتيب للكلمات بشكل مبدع والصورة ماشية مع جو البوست جدا
ولما قريت البوست قعدت افكر فعلا عندك حق احيانا بنحتاج اننا نبكي وننفعل ونتكلم ونصرخ لوحدينا ما غير ما حد يتكلم وينصح او يشمت محتاجين حد يسمع بس
اسف علي الاطالة
تحياتي

محمد التركى يقول...

السلامو عليكم

زهره

أولآ أنا أسف على التأخير فى التعليق على التدوينه اللى فاتت
وعلى فكره جميله جدا وانا هعلق طبعآ عليها
فأرجوكى تسامحينى
ظروف شغلى بتغلينى بعيد جدا لايام وأسابيع
سفر على طول

ثانيآ
ده شئ مش جديد عليكى
انتى مبدعه كا عادتك فالابداع المره دى أنا مش منبهر بيه لانى متأكد من ابداعاتك المستمره
تحبى اقولك البوست الجاى هيبقى ايه
ابداع برضو

بس بجد كلامات جميله جدا
فكرتينى بفلم العندليب الوساده الخاليه
انتى بقى بتردى الجميل ليها وبتقولى فيها احلى كلام
ربنا يديم عليكى الاستقرار
ويبعد الخلافات عنك انتى ووسادتك
لحسن لو اختلفتو فى يوم مش هتنامى الليل
هتحطى رأسك عليها أزاى وانتو متخصمين
ههههههه

يسلم قلمك ولسانك قبل قلمك وقلبك قبل لسانك

تقبلى مرورى

تحياتى لأجمل زهلاه فى بستان التدوين

محمـــد التركـــى

موناليزا يقول...

أنا كمان وسادتى غالية عليا جدا:)

ألوان يقول...

يازهره يا مبدعه

بجد وصفتي حالتي في كل حرف
مخدتي دي حبيبتي وياما استحملتني
بس بجد عمري ما فكرت أشكرها
انا كمان بهديلها كلماتك

برافو عليكي

باحث عن حب يقول...

جميله
رائعه كلماتك
تشبيهاتك فظيعه
جدا

يارب
يبارك فيكى

عمرو يسرى يقول...

الله الله
ايه الجمال ده
رائعه
تسلم الايادى

sweet angel يقول...

ههههههه
ياشيخه طب هاتيلك دبدوب

جميله يا زهره

من كل بستان زهرة يقول...

كارمن
الشرف ليه انا ومبسوطه ان كلامي عجبك
نورتيني وياريت متكونش أخر زياره

من كل بستان زهرة يقول...

رامي
تعتقد ان ليس كل صديق صامت وفي
ما السبب؟؟؟؟؟

من كل بستان زهرة يقول...

صيدلانيه طالعه نازله

ربنا يخليكي ليه يا جميله
من أوفى وأحلى الأصدقاء الورقه والقلم
بجد انا بحسدك على صداقتك ليهم


نورتني وشرفتيني

من كل بستان زهرة يقول...

يا أجمل حب
بجد عجبتك

ربنا يخليكي ليه يا حبيبتي

من كل بستان زهرة يقول...

سندباد
ميرسي على كلامك الجميل
أكتر وقت بنحس فيه بالراحه
هو لما نخرج غضبنا وحزننا واحنا لوحدنا
بحس وقتها اني اتغسلت من جوه

نورتني

من كل بستان زهرة يقول...

تركي
وعليكم السلام
متعتذرش ربنا يكون في عونك

هههههههههههههه
ربنا يخليلي مخدتي حبيبتي
ويبعد عننا عين الحسود

على فكره انت أحرجتني جدا بكلامك الجميل انا مستهلش كل الكلام ده

نورتني ومستنيه جديدك

من كل بستان زهرة يقول...

موناليزا
ربنا يخليهالك

نورتيني

من كل بستان زهرة يقول...

يا أحلى ألوان
شوفتي انا بعرف أقرأ الأفكار ازاي
عايزين نعمل يوم المخدات العالمي

نعبر فيه عن حبنا لمخدتنا

نورتيني يا لولو

من كل بستان زهرة يقول...

محمود
ربنا يخليك انا مبسوطه جدا ان كلامي عجبك

ربنا يبارك فيك
نورتني

من كل بستان زهرة يقول...

عمرو يسري

ميرسي يا عمرو بجد ده من ذوقك

من كل بستان زهرة يقول...
أزال المؤلف هذا التعليق.
من كل بستان زهرة يقول...

مرموره
انت بتضحكي عليه
انا مش مجنون والله بحب مخدتي جدا
بزمتك مش انتي كمان بتعملي مع مخدتك نفس الي انا بعمله

وبعدين دبدوب ايه مش بحبهم خالص
يا مخده يابلاش

وحشتيني

أحــوال الهـوي يقول...

حقيقة لم اتحرر الي الان من مرحلة التامل فيما كتبتي

كنت من قبل اتمني ان يكون البوح لصديق مقرب و لكنني اليوم اجدني اترك لحظات ضعفي و فتوري لنفسي و قلمي

و لكنك اكتشفتي هذا في مقتبل عمرك

وانا اخذني العمر الي كهولتي لافهم هذا

تحياتي

أحــوال الهـوي يقول...

حقيقة لم اتحرر الي الان من مرحلة التامل فيما كتبتي

كنت من قبل اتمني ان يكون البوح لصديق مقرب و لكنني اليوم اجدني اترك لحظات ضعفي و فتوري لنفسي و قلمي

و لكنك اكتشفتي هذا في مقتبل عمرك

وانا اخذني العمر الي كهولتي لافهم هذا

تحياتي

فارس عبدالفتاح يقول...

عندما قرأت الموضوع تذكرت على الفور مقول قد قالها مسور بن مخرمة الزهري وهو من العرب الاقدمين :

فقد قيل له :أي الندماء أحب إليك ؟

قال : لم أجد نديماً كالحائط ، إن بصقت في وجهه لم يغضب علي ، وان أسررت إليه ‏شيئاً لم يفشه عني . ‏



واعتقد انه هو هو نفس الموضوع ولكن مسور بن مخرمة الزهري كان يتكلم من منطلق ذكوري وانت تكلمتي عنه من مطلق انثوي فيه مع الخيال والتوهم .

فهو لم يجد هذه الصفات في بشر وعرف الحقيقة والواقع واقر بها .

وانت عشتي في الخيال وتوهمتي ان هذه الوسادة هي هذا الصديق ، وهذا نابع من منطلق انثوي يغلب عليه توهم التصور على حقيقة التعقل .

richardCatheart يقول...

الله انت ناعمه وقويه وكلك حنيه حتى مع المخده يا فلوا هههههه

بصى عايزه تردلها الجميل نجديها لانها هاترجع شباب تانى وتعيش معاكى اكتر


تعرفى فى جماد كتير فى حايتنا بنحس نحيته باولفه غريبه لدرجه انه ساعات بيعدى مرحله انه جامد دى اساسا

جميل يا فلورا ادمها الله عليكى

Tarkieb يقول...

ده نظام اسأل دموع عينية واسأل مخدتي...والوسادة الخالية....حاجة رومانسية خالص...بس انت عارفة انا بجد سرحت في كلامك وقلت اما اشوف ايه ذكرياتي انا كمان وقعدت افكر واكتشفت اني انا كمان كان لي ذكريات كتيرة زمان زييك كدة برضة ومش راضية تروح مني خالص..وتقريبا كانت امي الله يرحمها تصحينا بدري يوم الجمعة عشان تغيير كيس المخدات لدرجة انا اتعقدت من المخدات ويوم الغسيل وبقيت انام من غيرهم عشان محدش يصحيني.. يابختك اكيد كنتو بتغيرو كيس المخدات قبل النوم عشان كدة اتصاحبتو على بعض...

من كل بستان زهرة يقول...

والدي العزيز

أصعب شئ ان يكون الجماد هو الصديق الوفي للأنسان
وأن لانجد من البشر أحد يحل مكان الجماد

حفظك الله لي ولمن يحبك

من كل بستان زهرة يقول...

قطقوطه
انتي كارثه وملكيش حل
هههههههههههههههههه
قوليلي طيب على منجد شاطر يرجعلها شبابها
ايه هيحقنلها سليكون ولا هيشد

ربنا يخليكي ليه يا قطتي

من كل بستان زهرة يقول...

استاذ فارس

لم أجد نديماً كالحائط ، إن بصقت في وجهه لم يغضب علي ، وان أسررت إليه ‏شيئاً لم يفشه عني . ‏
قراة المقوله دي أكتر من مره وعجبتني جدا
حفظتها خلاص
وطبعا لازم يكون في اختلاف بين التعبير الرجولي والأنثوي
الأنثى فيها رقه عن الرجل

شرفتني

من كل بستان زهرة يقول...

تركيب باشا
ايه رأيك في الرومانسيه بتاعتي
بتغزل في مخدتي شوفت جنون اكتر من كده
ولو سمحت متقولش عليها خاويه
دي طريه و كلها حنيه
هههههههههههههههه
انت لازم تتعالج من العقده دي
حد ينام من غير مخدته
باين في كلامك كره غريب لكل انواع المخدات
عندي دكتور شاطر بيعالج من العقد دي

Casper يقول...

وصف جميل جدا ومُعبر أيضا للوسادة وما
تحمله من ذكريات

فكرة الخاطرة في حد ذاتها رائعة
وجائت الكلمات لتزيدها رونقا وبهاءا


=====

خاطرة جميلة ومدونة أجمل
تقبلي مروري

Casper

RASHA يقول...

كلنا نملك مثل هذه الصديقة التى وحدها تملك ان تخرجنا من صمتنا ونمارس معها كل فنون البوح
دمت جميلة وبخير

من كل بستان زهرة يقول...

Casper

ميرسي على ذوقك
المهم ان الفكره عجبتك

نورتني وشرفتني زيارتك الأولى
ياريت متكونش الأخيره

من كل بستان زهرة يقول...

رشا
ربنا يحفظلك صديقتك
ويحفظك
أشكر لكي لطفك وزيارتك
دمتي بحب