الخميس، 21 أكتوبر 2010

أيام الصبا





ياليتني أعود لصبايا من جديد ...لأفعل بحياتي ما أريد


لأزخرف الكون بضحكاتي 
وأكسو الأرض كلها بضيائي

ياليتني أعود لصبايا فلا أعرف معنى الظلام
ولا أكون مجبرة على مخالطة اللئام

أعود فلا يكون لي شأن بالمشاكل والخصام 
فلا يؤلمني ضميري ولا تؤرقني الأحلام

أرسم لحياتي آمال ورديه
وأشيد مملكة من الفرح وأمحوا منها الأحزان

أكتشفت أننا كلما نكبر نصبح كالعبيد
تقيدنا قيود من حديد

يقيدنا الصمت عن الكلام

وتقيدنا الجراح عن الفرح

ويمنعنا الحزن عن السعاده


ياليتنا نعود لأيام الصبا 

هناك 55 تعليقًا:

موناليزا يقول...

كانت أيام بريئة خالية من أى مشاكل
واحنا اللى كنا عايزين نكبر بسرعة:)

صيدلانيه طالعه نازله يقول...

ياريييت

بس تفتكرى مجرد التمنى يحققلنا الامنيه

افتكر ده صعب اوى

انا نفسى ارجع صغيره عشان تتاح ليا فرصه

انى اختار اختياراتى من جديد يمكن اختار صح

عشان ارجع العب و اجرى و اضحك من قلبى

عشان اقابل اصحابى و اخرج معاهم يوم الخميس بعد المدرسه

عشان ارجع العب فولى و باسكت فى فريق المدرسه

يوووووووووووووه

حاجات كتير اووووى نفسى اعملها من تانى بس ارجع صغيره و ربنا يسهل ساعتها

بوست جميل كعادتك دائما

غير معرف يقول...

جميل البوست يا زهرتى
كلنا نتمنى ذلك
نعود صبايا من جديد
تسلم ايديك
تحياتى

باحث عن حب يقول...

ياريت نرجع من تانى
ياريت
نصغر تانى
انا لما كنت صغير كنت باتمنى اكون كبير
تلوقتى
باندم على الامنيه دى
انا نفسى ارجع عيل تانى فى حضن امى
كلمات رائعه

أحــوال الهـوي يقول...

وان عاد الصبا
سوف نتمني ان نشب عن طوقنا و نخرج الي الدنيا

هل لو عادالصبا سوف يجد نفس القلوب بصفائها و طهرها ام يجد قلوبا قد ةعصرتها السنين الما و بؤسا

هل نملك ان نعود الي اول العمر
او كاننا نعشق المستحيل

اسئلة خطرت ببالي حينما قرات كلماتك و لعلك بالمرصد تثيرين بداخلي الفكرو الشجون

جميلة ورائعه موضوعاتك

تحياتي

iHibo يقول...

ذكرني العنوان في تدوينة سابقة
http://hibo-x.blogspot.com/2010/08/blog-post_17.html

جميل ما كتبت موفقة ^^

سلام

Ramy يقول...

http://www.youtube.com/watch?v=LRSknYIL61g

الينك دة هيقول كل حاجة

يا رب تعجبك

سندباد يقول...

ليس كل ما يتمناه المرء يدركه ولكن ليس كل ما لم ندركه يبكينا
كلنا بنتمني حاجات كتير ونفسنا نرتاح لكن لا راحة في الدنيا
اعاننا الله
جميلة كلماتك وامانيك دائما
دمتي سعيدة بخير

sweet angel يقول...

اهو .. غلطت انا لما قولت عندها تلاتين سنه ؟؟؟؟

ماغلطتش ههههههههه

sweet angel يقول...
أزال المؤلف هذا التعليق.
sweet angel يقول...
أزال المؤلف هذا التعليق.
من كل بستان زهرة يقول...

موناليزا
الحاجه الوحيده الي بحن ليها في الأيام دي هي البرائة
ياريت ترجع

نورتيني

من كل بستان زهرة يقول...

صيدلانيه
اكيد الأماني مش هتتحقق بس بنحلم

بس ايه ده كله يا دكتوره كل ده عايزه تعمليه
لأ خليكي محدده اختاري حاجه واحده
علشان أخلي عفريت الفانوس يعرف يرجعك
فولي وباسكت لأ صعب لعبه واحده

انا لو خيرتيني هختار أرجع علشان
انى اختار اختياراتى من جديد يمكن اختار صح
نفسي يرجع بيه الزمن علشان كده بس

نورتيني

غير معرف يقول...

جميل جدا البوست

من كل بستان زهرة يقول...

يا اجمل حب
ياريت كان ينفع يا ايمي
ياريت كان فيه زرار لكده
بس يلا بنصبر نفسنى ونحلم

نورتيني

من كل بستان زهرة يقول...

محمود
معلش أوعى تزعل نفسك
لأنك عمرك ما هترجع
يبقى ليه الواحد ينكد على نفسه

يلا الحمد لله على كل شئ

نورتني

من كل بستان زهرة يقول...

والدي العزيز

اتمنى ان اعود للصبا وأعيد معي الزمن الذي مضى
لآ ان يعود صبايا في هذا الزمان
وإن لم اعد اتمنى ان اعيد الصفاء الي قلبي

ولكن انا دائما اعشق المستحيل

موضوعاتي يكتسيها الجمال بمجرد وجودك فيها

حفظك الله لي

من كل بستان زهرة يقول...

هيبو

ايام صباك كلماتها اجمل واروع من كلمات صبايا
ولكن نحن نحلم باللامعقول

ما لا ينسى هو بحثنا الدؤوب على العناكب تحت الطوب وقتلنا إياها أو إخراج النمل من جحورة بضوء الشمس بعد تسلطيه بالمرايا عليه ،وكنا نخرج الملكة أيضا,, يا لفرحتنا،ندمر عش الدبابير دون خوف

شكلك كنت طفل مشاغب
أسعدك الله

من كل بستان زهرة يقول...

رامي

ربنا يسمحك
وجعتلي قلبي بالأغنيه دي

فيها كل الي ممكن يتقال

تسلم ايدك
نورتني

من كل بستان زهرة يقول...

سندباد

واقعنا الأن جميل ايضا
وملئ بالسعاده
ولكن تنعدم فيه البرائه

وفعلا لاراحة في الحياه

دايما منورني
وبعتذر عن عدم المتابعه لمدونتك
بس هرجع

Ramy يقول...

سورررى مش قصدى

بس هى اللى جت مع مودى ساعتها معلش

من كل بستان زهرة يقول...

مورا
يا مشاغبه
العمر هو عمر القلب وليس السن

وبعدين تلاتين اربعين مش فارقه

طمنيني عليكي

من كل بستان زهرة يقول...

شحات الغرام

تسلم ربنا يخليك
نورتني جدا

من كل بستان زهرة يقول...

رامي
ولا يهمك
هي كلمها صعب شويه بس حلوه جدا

richardCatheart يقول...

الله على الكلام

هو صحيح بشوف ان كل مرحله ليها جملها

بس بردو ياريت نرجع ولو يومين

جميل يا فلورا

فارس عبدالفتاح يقول...

والله مش عارف اعلق اقول ايه بس من الواضح انه هروب الى الوراء .. وهذه مشكلة حقيقية .

بنفس مقدار الهروب الى الامام ايضا فهو مشكلة حقيقية ايضا .

من كل بستان زهرة يقول...

قطتي
طبعا كل مرحله ليها حلاوتها
بس مفيش مرحله زي أيام الشقاوه البريئه
نرجع يومين كده كل كام سنه

نجدد شبابنا ونرجع تاني للهم

نورتيني يا قطه
وكل عيد جواز وانتي والحاج ريشارد بخير

من كل بستان زهرة يقول...

أستاذي فارس

لأ مش هروب
شويه تغيير يعني ننسى المسئوليات والهموم ووجع الدماغ ونرجع تاني للبرائه والصفاء

يعني انت مش عايز ترجع يومين كده للطفوله
أكيد نفسك وأكيد نفسك
ترمي شويه من الحمل الي عليك

نورتني

فارس عبدالفتاح يقول...

لا والله مش نفسي ارجع تاني عيل صغير عشان ده مش هيحصل ومدام مش حيحصل يبقى وهم ومجرد التفكير فيه اصلاً خطأ كبير لا اقبل ان اقع فيه .

عليا مواجهة الواقع بما فيه دون اي توهم او تخيل والا فانه يوجد مشكلة حقيقية لدي في الادراك والوعي بماهيتي كإنسان اولاً وكمخلوق محدود القدرات في كون هائل ثانياً.. فعليا اليقظه والتنبه الدائم للواقع الوجودي والمرحلي لي في الكون الهائل .

Casper يقول...

لكم أن نتمنى ان نعود صغارا حتى تُرفع عنا جبال الهموم التى صارت تُلازمنا حتى في منامنا

ذكريات جميلة مضت ورحلت نحلم بها كثيرا أن تعود مرة أخرى أو نرحل نحن إليها

لكن هكذا هي الدنيا
======

خاطرة رقيقة انسابت كلماتها في عذوبة شديدة

بالتوفيق دائما
وفي انتظار المزيد من الابداعات

تقبلي مروري
Casper

من كل بستان زهرة يقول...

استاذ فارس

ليه مكبر الموضوع
ليه بتشوف ان الأمنيه دي خطأ كبير
مع ان علماء النفس دايما يقولوا
الخيال الجيد لا يستخدم للهروب من الواقع وإنما لخلقه والأبداع فيه ..
يعني كلما كان خيالك واسع ودنيا أحلامك كبيره
تخلق خلالها اماكن وشخصيات ومواقف جديده عليك
تستطيع ان تكون في واقعك سعيد

وأعتقد ان الأحلام و الأماني مش عيب أو حرام حتى لو لم يتم تحقيقها

أحلم شويه وعيش حياه غير حياتك
ومتخفش ده مش هيعطلك في حاجه
أعمل كده في اوقات الفراغ او قبل النوم

أسعدك الله
دائما تزدني شرف بزيارتك

من كل بستان زهرة يقول...

Casper

لن تتحقق الأحلام ولكن يكفينا السعاده التي نشعر بها ونحن نحلم
عالم الأحلام رائع عالم وردي نقي

بشكرك على زيارتك
وجمال كلماتك ليه

نورتني

محمد التركى يقول...

السلامو عليكم

أنات اللى طولت الغياب برضو
مااااشى
نورتى يازهره التدوين

جميله ابداعاتك
يامبدعه
مش قولتلك البوست اللى فات
ان البوست اللى جاى ابداع برضو
هههههههههه
اصلى عارفك مبدعه
تسلم ايدك
عجبنى قوووووووووووووى

أكتشفت أننا كلما نكبر نصبح كالعبيد
تقيدنا قيود من حديد
يقيدنا الصمت عن الكلام
وتقيدنا الجراح عن الفرح
ويمنعنا الحزن عن السعاده
ياليتنا نعود لأيام الصبا

يااااااري ياريت

أنا بشكرك جدا على زيارتك الجميله وتهنئتك الرقيقه دايمآ رقتك وجمال اخلاقك ظاهر مثل العلم

ربنا يديم الود والصداقه مابينا نحنو أهل البلوجر

تحياتى لآجمل وزهره على عرش البلوجر

محمــــد التركـــى

من كل بستان زهرة يقول...

تركي
ربنا يخليك انت كسفتني جدا بكلامك الجميل انا مستهلش الكلام ده كله

كل سنه وانت بالف خير

يارب يديم المعروف
نورتني

eng_semsem يقول...

نحن سنغير مستقبلنا وندفن احزانا ونعيد ما نحب من ماضينا وننسى كل المر والجراح في حياتنا اما الماضي فلا نستطيع اعادته ولكن سنحاول تحقيق ما سيسعد ايامنا

فارس عبدالفتاح يقول...

يا ستي الله يحفظك

وانا مش عايز اطول في هذا الحوار احسن حضرتك تتخنقي مني بس عايز اوقل شيء بسيط ولكنه عميق في المعنى .

هناك فرق في التمايز بين الالوان والا اصبحت كل الالوان واحدة .

هناك فرق كبير بين الامل والتمني والحلم والتوهم كل مفرده لها معنى ان أأمل ان يكون مستقبلي وحاضري جميل وانعم بالرفاهية والسعادة واعمل على تحقيق ذلك .. فهذا امر جميل ومطلوب .

وهناك فرق بين ان اتعامل معى نفسي ومع الاخرين على اني طفل صغير ينظر الى الحياة من هذا المنطلق ويتعامل مع الواقع من هذه الرؤية .

هذا هو الوهم بحد ذاته لانه لن يكون طفل مرة اخرى ولن يستطيع ان يحقق آماله ولن يحصل على تقدير العقلاء من الناس .


علماء النفس يقولون لنا ان ننظر الى الامام وان نأمل وان نعمل على تحقيق آمالنا .

ولم يقولو لنا مثلاً عيشوا كالاطفال او كالمراهقين .. اظن ان حضرتك لديه التباس في الرؤيا من هذا الجانب .

حضرتك تكلمتي عن تلوث الضمائر بسبب كبر العمر والتماس والاحتكاك مع الاخرين وتتمنين ان ترجعي الى الطفولة او الى صفاء الطفولة ونقائها ..


وهذا ايضا شيء لن يكون .. واذا حدث فانت في مشكلة حقيقية مع نفسك وتجاه الاخرين .. لان عالم الطفولة عالم شبه مثالي واكرر شبه مثالي .. لان الاطفال ايضا يكرهون ويحقدون ويغيرون ويصرخون ويتشاجرون بالفطره التي فطرها الله في البشر من المهد الى اللحد .. وعلماء النفس ايضا يقولون لنا ذلك .

فيرجى عدم التوهم باشياء ليس لها دليل موضوعي ( اي علمي ) ولا دليل فلسفي ( نظري ) لان الكائن البشري من طفولته الى كهولته لديه الجانب المظلم شديد الظلام ولديه الجانب المضيء شديد الضياء ،،

ولهذا الله سبحانه وتعالى قال : " ان هديناه النجدين " صدق الله العظيم .


تقبل احترامي وتقديري .

سهل وسهيلة يقول...

ياليتنا حقا نعود

سلمت يداك




نتمنى أن تشاركنا التفكير في
كلانا يفكر
http://shlandsohila.blogspot.com


سهيلة

أتنين حبيبين يقول...

وحشتينى وحشتينى وحشتينى اووووووووووووووى
يارب تكونى بخير ويطمنى عليكى يارب معلهش يا دوب راجعه من غياب كبير
قلت ادخل واسلم واطمن على ناس بحبهم اوووووووووووووووووووووووووووووووووى

توتا

كلمات من نور يقول...

ليتني كنت طفلة غاية همومي لعبة .ذكرتني بهذه المقولة يا فتاتي ..سلمت يمناك على كلماتك الرقيقة

من كل بستان زهرة يقول...

م/سمسم

يارب يحقق لنا كل ما نتمنى ويكون مستقبلنا مليئ بالسعاده والنور والصفاء

تحياتي لك

من كل بستان زهرة يقول...

أستاذ فارس

انا هحاول افكر في كلامك و وهتعلم منه ما يناسبني طبعا
وانا بشكرك على المعلومات الي قدمتهالي

بس انا لا خياليه ولا بحلم وبتمنى اشياء غير واقعيه ومعنديش مشاكل مع نفسي ولا مع الغير
والله انا انسانه مسالمه جدا

بس بحب أعمل تغيير شويه في حياتي
حتى لو كان التغيير ده غير ملموس وغير واقعي شئ من الخيال مش هياخد مني أكتر من ساعه بس بيعملي تجديد
يمكن ده بسبب نوع دراستي
فيها خط من الجنون والخيال
عموما انا سحبت الأمنيه دي علشان خطرك

نورتني

من كل بستان زهرة يقول...

سهل وسهيله

تسلم يداكم على مدونتكم الرائعه
وفكرها الجديد

نورتوني

من كل بستان زهرة يقول...

توتا توتا توتا
وحشتيني يا حبيبتي
وحشتيني وحشتيني وحشتيني

يااااااااارب تكوني بخير وماما تكون بخير

منوره يا اجمل توتا

من كل بستان زهرة يقول...

يا اجمل كلمات

تسلمي يا حبيبتي
وياريت كانت كل احلمنا لعبه فقط نحصل عليها ياااااااااريت

ولكن يارب يكون حاضرنا ومستقبلنا جميل وكله نور

نورتيني

وداد يقول...

احساس جميل جدا

وانا كمان اتمنى ان اعود للطفولة

مرحلة جميلة

خالية من الاحزان

ضحك وفرح بدون قيود

حتى الكلام كان بلا حدود

تشرفت بزيارة مدونتك

Tarkieb يقول...

يا ريت.. يا ريت....ولكن يا ريت كلمة عمرها ما كانت تعمِّر بيت

من كل بستان زهرة يقول...

وداد
الشرف ليه انا
اسمك رائع

نورتيني واتمنى زيارتك الدائمه لي

من كل بستان زهرة يقول...

ياتركيب باشا
اخبارك ايه
بلغ شبطه اعتراضي على عينه الزيغه
واني بهدده بتركه لو فضل على الحال ده
مش كفايه صبرت عليه وهو في السجن

وبعدين ياريت ياريت ليه
تخيل شويه وعيش في الأحلام
مش هتندم جرب بس وهتدعي عليه

منورني يا تيكو باشا

فارس عبدالفتاح يقول...

مع الاحترام انا مش فاهم يعني ايه النصين دول :

النص الاول :

بس انا لا خياليه ولا بحلم وبتمنى اشياء غير واقعيه .


انتهى ...




النص الثاني من نفس الكلام :

بس بحب أعمل تغيير شويه في حياتي
حتى لو كان التغيير ده غير ملموس وغير واقعي شئ من الخيال .


انتهى ..



بصراحة مش فاهم هو ايه الموضوع بالضبط .

Carmen يقول...

كلماتك جميلة ورقيقة حبيبتي
اسلوبك سلس وبسيط وبيوصل للقلب بسرعة
خاطرة رقيقة متلك ومعانيها روعة
تسلم ايدك ودمت مبدعة

ساسو يقول...

زهرتي الرقيقه
وحشتيني مووووت

عسوله في كل حاجه
بجد احساس الطفوله ممتع
بس انا اعتبر لسه طفله بردوا
عندي يادوب 21 سنه
ههههههه

بحبك

من كل بستان زهرة يقول...

كارمن
تسلمي يا مبدعه

بجد مدونتك جميله جدا وكلماتك رائعه
نورتيني

من كل بستان زهرة يقول...

ساسو
انتي فين مختفيه ليه بس
وحشتيني اكتر

وبعدين ليه الأحراج ده
قصدك ايه يعني انك عندك 21 بس
يعني خلاص راحت علينا احنا ولا ايه
عموما البنات مش بيكبروا عن 25 سنه
مهما عدى العمر 25 يعني 25
هههههههههه
ربنا يديكي طولت العمر

نورتيني
بحبك أكتر

ليله شتاء يقول...

السلام عليكم ورحمة الله وبركاته
ازيك ياحبيبتى عاملة ايه وايه أخبارك يارب دائما تكوى بألف خير
جزاكى الله كل الخير على سؤالك ياقمر الحمدلله أنا بخير
بس أنا مش هقدر أرجع للتدوين تانى والسبب خير والحمد لله وهو عقد قراني عقبالك يارب وعقبال كل المدونين والمدونات أسألك الدعاء دائما
وكل عام وأنتى بألف خير وعيد أضحى سعيد عليكى ياربوعلى ماما وبابا وكل أحبابك

لاتنسينى بالدعاء فى يوم عرفة

من كل بستان زهرة يقول...

ليلة
يا حبيبتي وحشتيني جداااااااااااا
الحمد لله اني اطمنت عليكي
ومبسوطه اوي ان سبب غيابك هو السبب ده
لو كده يبقى خلاص سماح
المهم انك تكوني مبسوطه
ويارب تكون كل ايامك سعاده
وعيد سعيد عليكي وعلى حبيب القلب
وعلى كل اهلك

ووعد منى يوم عرفه هخصك بدعوه ملهاش مثيل
هفتقدك جدا
يارب يسعدك