الاثنين، 14 فبراير، 2011

حكاية العمر كله



أعتقد أن يوم الجمعة 11-2-2011
يوم لن يمحى من ذاكرة أي مصري

أخيرا قدر الله لنا أن نتنفس الحريه
وان نعيش يوماً نحلم فيه بغدٍ مشرق 
نتنفس فيه نسمات الحرية والكرامة

أعتقد أن التاريخ سوف يسطر أيام ثورة الحرية في كتب
وسوف يخصص كتاب منفرد ليوم الجمعة

أنا هحيكلكم عليه من تجربتي الشخصية

دخلت ميدان التحرير الساعة 9 صباحاً
الناس بدأت تتجمع والمظاهرات أشتغلت
بدأت صلاة الجمعة
ومعها بدأ أروع شئ في اليوم يحدث
الشيخ جبريل بدأ الدعاء
يااااااااااااااااااااااااااااااااااه
أقسم بالله لو كان حجر لكان أنهار
الأرض كانت بتترج من تحتي 
كنا بنُأمن  خلفه بأعلى صوت
مشهد رائع كنت حاسه أن قلبي هيقف من الخوف والفرحة

وبعد الصلاة رجعت المظاهرات مرة تانيه
أول حاجه كان أي شخص يلاحظها في وجوة الناس
الأصرار والعزيمة
شيخ كبير كان بيقول 
هيمشي النهارده يعني هيمشي
خلااااااااااااااااااااااص معندوش فرصة تانيه
كل ما أروح في مكان 
مسمعش غير الناس بتقول هيمشي النهاردة
كله كان بيرفع علم مصر
وكله كان بيردد
تحيا مصر ..... تحيا مصر

ساعة ورا التانيه عديت
وبعدييييييييييييييين
أروع خطاااااااااااااااب في التاريخ
يا الله يا الله يا الله
دموع وفرحة وضحك وصريخ
محدش أستنى أن الخطاب يخلص
كله كان بيهتف تحيا مصر .... حرية.....تحيا مصر
أنتصرنــــــــــــــــــــا

الناس كلها كأنها ولدت من جديد
أنا هقول حاجه تضحك
أنا كان معايه ناس كبار في السن
لما نظرت لوجههم حسيت أنهم صغروا 
وخدودهم بقى لونها وردي
وعيونهم فتحت بعد ماكانت قفلتها هموم السنين

أروع لحظة عشتها في حياتي
وأعتقد أنها أصدق دموع نزلت من عيوني
كانت في اللحظه دي
وأول مرة أحس بفخر أني مصرية 
أنتمي لهذا الشعب وهذه الأرض

قعدت ساعات بحتفل مع كل المصريين في التحرير
أحتفل معاهم برجوع الحرية والكرامة والعزة لينا
والأهم رجوع بلدنا تاني لينا
بعد ما كان سرقوها مننا
  
ياااااااااااااااااااااااااااااه
شكرا سيادة الرئيس أنك أخيراً أخيراً
قدمت مصلحة مصـــــــــــــــر
{ بعد ما خربتها أنت وأعوانك وزودت الخراب بعنادك الأيام الي فاتت }
فوق مصلحة أي فرد
{ ولو أني عارفه أنه غصب عنك وأنها طالعه من نني عنيك }

في 18 يوم الي فاتوا أتعرفت على ناس كتيييييييييييييييييييير رائعه
وأتعلمت منهم كتيييييييييييييير أوي

أكتشفت جدعنة وأصالة الشعب المصري بنفسي
وعرفت أنها حقيقه مش مجرد كلام كان بيتقال

عايزة أشكر ناس كتير 
أولهم والدتي الرائعة
الي مسبتنيش ولا يوم أنزل لوحدي إلا وهي كانت قبلي
خطيبي
الي كان عامل زي سترة الحماية والأمان

أصدقائي وزميلي في الشغل 
لأنهم أصروا أننا كلنا نبقى أيد واحده 
ومحدش خلف فيهم الوعد

صاحب الشركة الي بشتغل فيها 
الي قدم مصلحة بلده على مصلحتة الشخصية
وأمر بأننا لن نعود الي العمل الا في عهد نظام جديد 
وكان أول واحد بينزل فينا

الشهداء
بشكر كل شهيد على تضحيته بدمه كثمن لبلده
وبقوله أنت أعظم وأجمل ما في الثورة
وبعتذر لأهلهم وبتمنى أن أصرارنا يكون عوضهم ولو بالقليل

بشكر كل مصري شريف شارك في مظاهرات الحرية
بنفسه أو بقلبه او بدعائه

وأولاً وأخيراً بشكر الله تعالى 
لأنه لولا توفيق الله ماكنا لنحصل على الحريه
ونسقط رأس الفساد

هناك 25 تعليقًا:

Casper يقول...

فعلا هو يوم تاريخي في حياة مصر فخر لنا أن رأيناه بأعيينا وان شاء الله الغد سيكون أفضل ويارب احفظ مصر من كل سوء

_________

خالص تقديري لفكرك وقلمك

فشكووول يقول...

السلام عليكم
ازيك يا ورد
تحياتى
يجب ان تتركز المطالب فى الايام القادمة على تشكيل دستور لدوله برلمانيه وليست ترقيعات دستوريه مازالت تكرس لرئيس الجمهوريه كل السلطات

Ramy يقول...

أزيك

انا كنت هناك على فكرة

و حضرت صلاة الجمعة فى الميدان

و عندك حق كلام الشيخ كان يحرك الحجر

ربنا يكون معانا فى اللى جى

لأنه أصعب من اللى كان

ربنا معانا

محمود(باحث عن حب) يقول...

لن يمحى من ذاكرتنا كشباب

فارس عبدالفتاح يقول...

هذه الايام من اصعب الايام اللي مرة في حياتي واول مرة اشوف البلد تمر بيها انا بسافر خارج مصر وطبعا الاسباب معروفه لكل مصري ووجهت لنا الدعودة بحضور مؤتمر تاسيسي لرابطة الوحدوين الناصرين للعالم العربي في ساحة مصر يوم ١٥/١/٢٠١١م وسافر معي اخ لبناني وسوري لحضور المؤتمر وطلبت اجازة ١٥ يوم احضر فيها المؤتمر وارجع ومن حسن الطالع ان الاحداث والدعوة والتنظيم للمظاهرات كانت من اول يوم ١٥/١/٢٠١١م

كانت هناك مظاهرة امام ضريخ الزعيم القائد عبدالناصر وشارك فيها الشباب وبعض القيادين الناصرين مثل حمدين صباحي وحمدي قنديل ومصطفى بكري والفنانه نجلاء فتحي وعبدالحكيم عبدالناصر وسامي عاشور وهدى ومنى عبدالناصر وغيرهم الكثير من الشخصيات البارزة في الاقتصاد ومن جميع الاقطار العربية بلا مبالغة

ومن يومها الى يوم ٣١/١/٢٠١١م وانا في كل يوم مظاهرة شكل واحمد الله اني كنت في مصر في تلك الايام الحافلة الفاصلة والا كان من الممكن انه والواحد كان اصابه مكروه في صحته لو كنت بره مصر

فالمجد للشهداء وليحيا الوطن وعرفانا لكل مصري غيور على وطنه ومستقبله ولتحيا مصر عزيزة ورافعة الراس على طول الدهر وشعبها الاصيل

من كل بستان زهرة يقول...

كاسبر
يارب يحفظ بلدنا الغاليه
اكيد احنا جيل محظوظ استطعنا ان نغير التاريخ

من كل بستان زهرة يقول...

فشكوووووووووول
وعليكم السلام ورحمة الله وبركاته
مبروووووووووووووووك علينا الحريه

انا قررت اخد هدنه وراحة لمدة شهر كاااااااامل
ادي فيه الجيش فرصه ليبدأ اصلاح البلد
ونبدأ بتطوير البلد
لو مفيش حاجه حصلت خلاص التحرير بقى مشواره سهل علينا اوي
واكيد هيكون التركيز الفتره الي جايه على الدستور لأنه اهم حاجه
خلااااااااص مبقاش ينفع يجي رئيس
يبقى عامل زي الأله في يده كل شئ

من كل بستان زهرة يقول...

رامي
اخبارك ايه ؟؟
مبروووووووووووووك
لو عارفه انك هتروح كنا اتفقنا
يلا خيرها في غيرها

يعني الأحساس الي انا حسيته كان صحيح
وقت الصلاة والله حسيت وقتها ان ربنا مش هيردنا خايبيين
يلا الحمد لله انه تعبنا مضعش

ان شاء الله نكون قد المسئوليه ونقدر نبني بلدنا بأدينا
وتكون اعظم بلاد الدنيا

من كل بستان زهرة يقول...

محمود
اكيد لن يمحى لأننا الي عملناه بأدينا

من كل بستان زهرة يقول...

أ / فارس

اكيد ربنا بيحبك انك حضرت الفترة دي
في مصر
فترة الواحد اتعلم منها الكثير
وأكتشف فساد فوق تخيل اي شخص
عمري ما كنت اتخيل اني انزل مظاهرات
واكون بالعزيمة والأصرار الي كنت فيها

انا اكيد مش ناصريه
بس يا بختك انك حضرت وسط هذه المجموعه الرائعه من المثقفين
اكيد كانت مظاهرات رائعه


يارب يحفظ لنا بلدنا
ويرحم شهدائنا

carmen يقول...

جزاك الله خيرا حبيبتي وربنا يجعله في ميزان حسناتك
تحياتي لك

نبع الغرام يقول...

دى اجمل فرحه لمصرنا الحبيبه يا قلبى

بحبك اوووووووووووووووووى

كل سنه وانتى طيبه بمناسبة المولد النبوى الشريف وبمناسبة عيد الحب

اينااااااااااااس

من كل بستان زهرة يقول...

كارمن حبيبتي

يارب يحفظ بلدنا ويحفظ شعبنا

من كل بستان زهرة يقول...

ايناس

اجمل فرحه في حياتنا كلنا
اعتقد ان الواحد مش هيعيش يوم زي ده تاني
بس يارب كل ايامنا تبقى فرح

وانا كمان بحبك اوووووووووووووي
وكل سنة وانتي سعيده
ومولد نبوي سعيد
وعيد حب سعيد

غير معرف يقول...

ثقافة الهزيمة .. أنها حقا عائلة محترمة‏

فى 6 فبراير 2011 نشرت شبكة الأخبار الأمريكية CNN كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...

باقى المقال ضمن مقالات ثقافة الهزيمة بالرابط التالى www.ouregypt.us

جارة القمر يقول...

زهرة

مصر بتتنفس حرية

مبروك علينا و مبروك لينا

انتى جميلة اوعى جمالك يروح بشوية ناس بتتكلم وخلاص يا زهرة مصر بتتغير بأدينا مش بأدين ناس من برا

من كل بستان زهرة يقول...

جارة القمر

وانا اقول هو الهوا نظيف كده ليييييييييييييه
انتي الي رائعه
وبجد انتي من الشباب الي الواحد يفتخر بيهم
اكون سعيده لو تعتبريني اختك

وفعلا مصر هتتغير بأدينا احنا

نورتيييييييييني

سندباد يقول...

يوم مش ممكن يتنسي ابدا وبكرة وبعده هايبقي درس اساسي في دروس التاريخ في المدارس المصرية عشان نعلم ولادنا ان مفيش حاجة اسمها مستحيل ومفيش حاجة اسمها خوف
وباذن الله القادم افضل

أبو حسام الدين يقول...

هو ليس فقط هذا اليوم من سجل في التاريخ بل حتى يوم اندلاع الثورة، فالتاريخ أكبر شاهد على الأحداث.

تقبلي مروري.

جارة القمر يقول...

نعم ؟؟؟ اعتبرك اختى احنا اخوات غصب عنك حضرتك من زماااااااااااااان

ال اعتبرك ال لازم اشخط يعنى ههههههههههههه

من كل بستان زهرة يقول...

سندباد

يارب القادم يبقى افضل واحلى
ويكون مستقبلنا اجمل من ماضينا

وعندك حق فعلا اكيد الثوره دي هتكون هي اول درس في التاريخ المعاصر لأولادنا في المدارس

ويارب يعم الخير والسلام في كل شبر في بلدنا

من كل بستان زهرة يقول...

ابو حسام الدين

اكيد كل ايام الثورة سوف تدرس ولن تنسى
ولكن يوم الجمعه ده كان اروع يوم في الثوره
الصباح مظاهرات وجهد وتعب
واخر اليوم الفرحه الكبرى التنحي
ياااااااااااااه
نفسي اليوم ده يرجع تاني

من كل بستان زهرة يقول...

جارة القمر

خلاص يا ميس
متزعقيش انا بخاااااااااااااف
هههههههههههههههههه

انتي اختي واحلى اخت كمان

♥نبع الغرام♥♪≈ يقول...

كلامك جميل يا قلبى اوى

عمرنا ما هننسهاااااااا ولا يمحى من ذاكرتنا الى الابد
يارب اللى جاى يكون احسن يارب

ومتشكره اوى انك ضيفتى المدونه عندك
ومبسوطه بتعليقك الجميل بمدونتى

اجمل بوسه ليكى حبيبتى

اموووووووووووووواة

ايناس

arab girlscool يقول...

This is such a nice addition thanks!!!

شات صوتي
كول
عرب كول
شات مغربي
انحراف كام
شات عربي
عرب كول

غلا الروح
شات الغلا
غلا روحي
شات صوتي
شات الغلا
الغلا
شوق كام
شات صوتي شوق

شات صوتي
شات عذاب
عذاب كول
عذاب كام
شات كام
شوق كام
شات صوتي شوق
شات كول
شات صوتي

شات الغلا الرقمي
شات عذاب كول الرقمي
شات عرب كول الرقمي

مدونة غلا الروح
شات الغلا
شات صوتي
الغلا

ـــــــــــــــــــــــــــــــــــــــــ
شات تواعدنا
شات صبايا الشام
شات وناسه
شات حبي
مدونة غلا الروح
صور بنات كيوت
صور بنات كيوت
شات غلا روحي
مشاكل جنسيه