الجمعة، 1 أكتوبر 2010

لأنك رجل


لأنك رجل فأنت لاتحمل صفات الأنسان 
ودائما ما تكون خوان

لأنك رجل تفضل الأنثى الغبية
حتى تقنعها بأنك الضحيه

لأنك رجل ستبقى بهذا التفكير
وسيبقى عقلك يظن بي الكثير

لأنك رجل ستظل تتلذذ برؤية النار تحرقني 
وستبقى مغرما برؤية دموعي تنهمر منى وتؤلمني

وتظن أني لا أملك من أمري شيئا 
وأني أعيش حياتي فقط كي أجعلك انت الأمير


ولأنك رجل تريد فقط ان تجعلني أدمن حبك وصوتك  وعطرك

تعتبرني حقا مكتسبا لك فقط لأنك رجل
وتظن أن أسمي ينسب إليك .....وأن رسمي من صنع يديك


دائما ما تطالبني بأن أرسم وجهك على سقف غرفتي
وأن أحاورك كل ليلة كالمجانين
وأن أشد الرحال اليك عند الحنين

لأنك رجل وأنا أنثى
فأنا مطالبة بأن اشكرك
حتى لو كان شكري لك على ماسببته لي من أنين

فقط لأنك رجل

هناك 40 تعليقًا:

sweet angel يقول...

هييييييييه انا الاولى اكيد

sweet angel يقول...

والتاني كماااان

احتلااااااااااااااال

sweet angel يقول...

لانك ايه ؟؟؟؟؟؟

رجل !!!!!!!

قطيعه تقطع وتمسح ههههههههه

ياحبيبتي الي اتكلمتي عنه ده عيب تقولي عليه رجل

انتي ممكن تقولي رِجل "بكسر الراء"

اسلوبك جميل اوي يازهره
قوليلي بس مين الي مزعلك وانا ادبحهولك

Unknown يقول...

احم احم
سلامو عليكو

ايه المقابلة الوحشة دي
دا انتي ناقص تديله بالبونية في وشه
والله يا جماعة الراجل طيب وغلبان
بس انتو فاهمينو غلط
ماهو باباكي رجل واخوكي رجل وعمك رجل وخالك رجل
وجوزك رجل
مش معني ان واحد من دول قلّ في حاجة يبقي الباقي زيو

وبعدين كفاية ان انا رجل وتعرفيني يبقي تسامحي اي حد في الدنيا
ولا ايه ؟؟؟
هههههههههههه

عموما اتمني متكنش دي فكرتك عن الرجالة بشكل عام
وشكرا ليكي

سلامو عليكو

محمد التركى يقول...

السلامو عليكم

لانك راجل
ممكن برضو
بصى الدنيا فيها الحلو والوحش
زى مافى رجاله من النوع ده
فى رجاله بمعنى الكلمه ومش كدا خالص
زى كمان فى ستات تجنن مليون راجل
وبتطلب ما هو اصعب من كده
بس برضو فى المرأه الجميله اللى بتحب وتوفى وتخلص

عجبنى جدآ
وأن أحاورك كل ليلة كالمجانين
وأن أشد الرحال اليك عند الحنين

أنا بس هاخد الجمله ديه وأطبقها على نفسى بالسانى للحب الوحيد فى حياتى
ياريت تطلب منى كده ومن غير ماتطلب
صورتها موجوده فى كل اركان غرفتى
وداخل دولاب ملابسى
فى شغلى
فى كل مكان
وكل يوم بحاورها زى المجانين لانى بحبها
ونفسى اشد الرحيل اليها عند الحنين
بس مش هينفع للأسف لانها أصبحت ملكآ لقلب غير قلبى

تسلم أديكى وأفكارك
تدوينه جميله جدآ
تقبلى مرورى ليس الاول ولا الاخير

تحياتى لأجمل زهره فى بستان الحب

محمـــد التركـــى

iHibo يقول...

كنت لاكون الاول لكن تمهلت [:
المهم خاطرة جميلة حتى وان كانت تتكلم بسلبي على الرجال
والؤال الذي يجب ان يطرح نفسة هل كل الرجال سواسية بالنسبة لك ؟؟
كنت هنا وسأظل
سلام

من كل بستان زهرة يقول...

يا أحلى ملاك في الدنيا كلها

انت زي العسل
للأسف الي بتكلم عنه ده فعلا كان راجل
بس متخفيش انا نهيت عليه

منوراني يا أجمل ملاك
وميرسي على كلامك الجميل

من كل بستان زهرة يقول...

انسان عادي
وعليكم السلام يا استاذ
ايه الغيبه دي كلها
قولي أخبار الجيش ايه

أنا مقولتش ان كل الرجاله كده
وبعدين كفايه فعلا انك راجل وانا أعرفك
خلاص الرجاله كلهم حلوين ههههههههه

ياريت متغبش تاني
منورني

من كل بستان زهرة يقول...

محمد التركي
وعليكم السلام ورحمة الله وبركاته

كلامك صح الدنيا فيها الوحش وفيها الحلو

بس انت لازم تنسى الحب القديم الي تعبك ده
الدنيا مبتنتهيش عند حد

ميرسي يا محمد على ذوقك
وأتمنى انك تفضل تنور مدونتي بزياراتك

أسعدك الله

من كل بستان زهرة يقول...

Ĥ!bØ

ميرسي على ذوقك
أكيد ليس كل الرجال سواسيه عندي
من هؤلاء الرجال أعظم رجلا في حياتي
والدي العظيم

وبجد بشكرك على زيارتك لي
منورني انت وكل أهل المغرب

rack-yourminds يقول...

سيدتي زي مفيه رجاله خاينين ففيه ايضا ستات برده كده ,,,بمعني التعميم مينفعش في كلتا الحالتين

من كل بستان زهرة يقول...

rack-yourminds

ياعزيزي ومن قال لك اني أعمم
من كتبت عنه كان حاله فرديه
نوع من الرجال تعاملت معه
وكتبت عنه

يارب تكون الفكره وصلت
وتحياتي لك لزيارتك لي

أسعدك الله

سندباد يقول...

مناقشات ومخاورات ومناظرات كتير حصلت قبل كده بين الجنسين الراجل والست مين المخلص ومين الخاين من قبل حتي انا وانتي نتولد وكلها موصلتش لراي قاطع وشافي
لان من وجهة نظري ان مفيش مقياس ثابت في الدنيا دي الا ان في ربنا وموت وحساب ونار او جنة
غير كده كله بيختلف وكله بيتغير
وبغض النظر
اسلوبك هو اللي ممكن نتكلم عنه ونقول عليه انه ينبع رقة وهدوء وجمال
تحياتي

سندباد يقول...

مناقشات ومخاورات ومناظرات كتير حصلت قبل كده بين الجنسين الراجل والست مين المخلص ومين الخاين من قبل حتي انا وانتي نتولد وكلها موصلتش لراي قاطع وشافي
لان من وجهة نظري ان مفيش مقياس ثابت في الدنيا دي الا ان في ربنا وموت وحساب ونار او جنة
غير كده كله بيختلف وكله بيتغير
وبغض النظر
اسلوبك هو اللي ممكن نتكلم عنه ونقول عليه انه ينبع رقة وهدوء وجمال
تحياتي

كلمات من نور يقول...

بعض الرجال يا فتاتي بلاش التعميم

الا بكرة نلاقي ردود تعميم لكل النساء و نلاقي اللي بيقول : لأنك امرأة فأنتي و أنتي و أنتي ....ههههههههههه

فارس عبدالفتاح يقول...

اني اعتدت منك الرصانة في التعبير ولقد عاتبتني من قبل على بعض المفردات ولكن اليوم توجهين أهانه كبيرة جداً ‏للرجل على العموم ،، وهذا امر مرفوض ، فتقولين : ‏

لأنك رجل فأنت لا تحمل صفات الأنسان ‏
ودائما ما تكون خوان

هذا كلام غير موضوعي وتعميم على الاطلاق . ‏

ثانياً : أنا أرى وقد أكون مخطأ المرأة بصفة عامة لها مظهر اللطف والرقة والعذوبة وهي تحمل في داخلها بركان ثائر ‏يقذف بحممه ودخانه ، والدليل على ذلك قولك : ‏

وتظن أني لا أملك من أمري شيئا ‏
وأني أعيش حياتي فقط كي أجعلك انت الأمير

وسوف أقول لك معلومة لم اقلها لاحد من قبل فقد وهبني الله سبحانه وتعالى امرأة هي أمي لديها خلق لم أجده في من ‏قابلتهم من النساء في حياتي فهي تتمتع بصفة الحلم ، هذه الصفة تجمع معظم الخصال الجميلة في أخلاق الإنسان سواء ‏أكان رجل أم امرأة ومع ذلك فاني أخاف من غضب أمي ولا أخاف من غضب أبي واعمل الف والف حساب لأمي قبل ‏ان افعل شيء بل اني لا استطيع ان أواجه غضبها مع أنها نادراً ما تغضب .. واني لم أراها غضبانة إلا ثلاث مرات ‏طوال حياتي التي تبلغ 32 سنة . . وكانت أوقات مخيفة بالنسبة لي .. حقيقة مخيفة . ‏

ولهذا فانا أرى ان المرأة تحمل بين جنبيها قلب – سفاح – وهذا اقل ما توصف به المرأة . ‏

من كل بستان زهرة يقول...

سندباد
عندك حق وهيفضل النقاش ده موجود ليوم الدين
وليس كل الرجال ملائكة ولا كلهم شياطين
وكذلك المرأة

بشكرك جدا على كلماتك ليه
بكون سعيده بزيارتك ليه

من كل بستان زهرة يقول...

يا أحلى كلمات
فعلا هم بعض الرجال
ولا أقولك كل الرجال حلوين وطعمين ومفيش زيهم
لحسن يقلبوا علينا
هههههههههه

نورتيني يا جميله

باحث عن حب يقول...

السلام عليكم

اول زياره
عندك
ليه كده
برضوا كده
الرجاله حنينيين
وزى النسمه
عاوز تخلصى منى ليه كده
كلماتك جميله جدا

يارب يبارك فيكى

من كل بستان زهرة يقول...

أستاذ فارس عبد الفتاح

اولا انا بعتذر
ثانيا عندك حق المرأه بداخلها سفاح
والرجل الذكي الذي يستطيع ان يقتل هذا السفاح بداخلها
ثالثا والدتك أمراه عظيمة وامراة حكيمة
لاتغضب الي في الأوقات المناسبه
حفظها الله لك

اتمنى قبولك للأعتذار

من كل بستان زهرة يقول...

محمود
وعليكم السلام

أولا ياريت متكونش أخر زيارة
ثانيا في رجاله متتقلش بالدهب
بس دي حاله فرديه


انا سعيده جدا انك نورتني

غير معرف يقول...

صباح الخير يا زهرتى
بوست جميل بيعبر عن حاله فرديه وتجربه
تسلم ايدك
ربنا يسعد ايامك
بالخير ان شاء الله

فارس عبدالفتاح يقول...

لا تعتذري انا اعلم انها كانت عضبة بدون تعقل ووزن للكلمات كما يجب ان تكون .

فاعتذارك مقبول وعضبتك مشروعة ولها من الوجاهة والمنطق ما لها .

لذلك كنتي تتمنين المثالية في الامان .. اعلمي في هذا الصدد من الممكن ان تجدي رجل تشعرين معه بالامان المطلق .

ولكن مع الاسف هم قلة ، مثل ما يبحث بعض الرجال عن الامان المطلاق مع امراة في عصرنا هذا .

وهذا اصبح من رابع المستحيلات

اتمنى لك التوفيق والسداد والرشد في العاجل الاجل .

فارس عبدالفتاح يقول...

لا تعتذري انا اعلم انها كانت عضبة بدون تعقل ووزن للكلمات كما يجب ان تكون .

فاعتذارك مقبول وعضبتك مشروعة ولها من الوجاهة والمنطق ما لها .

لذلك كنتي تتمنين المثالية في الامان .. اعلمي في هذا الصدد من الممكن ان تجدي رجل تشعرين معه بالامان المطلق .

ولكن مع الاسف هم قلة ، مثل ما يبحث بعض الرجال عن الامان المطلاق مع امراة في عصرنا هذا .

وهذا اصبح من رابع المستحيلات

اتمنى لك التوفيق والسداد والرشد في العاجل الاجل .

من كل بستان زهرة يقول...

يا أجمل وأروع حب
وحشتيني
أيه أخبار اسكندريه وعملتم ايه امبارح
يارب تكونوا خروجه حلوه

هي بتعبر عن حاله فرديه وتجربه مؤلمه ومظلمه يا جميله
بس الحمد لله انتهت

ربنا يخليكي ليه

من كل بستان زهرة يقول...

أستاذ فارس
شكرا لك

MONTY يقول...

جميل جداااا

وكأن كلمة راجل دى شتيمه بس راجل دى تتقال على حد صعب انه يكون موجود ف الدنيا دلوقتى ...


تسلمى .......وف النهايه مافيش راجل يستاهل

ليله شتاء يقول...

السلام عليكم
******


لأنك رجل!!!!
****
ممكن كلهم الا مالك قلبي هههههههههه
يحمل بداخله قلب من ذهب الطيبة شيمته والحنان احدى روائع صفاته ربنا يرزق كل البنات بمثل هذا الرجل

*****

بس بجد كلمات حلوة أوى
تسلم أيدك واحساسك

ألوان يقول...

عندك حق والله
كل الرجاله بتفتكر ان المرأة غبية
وفكرين نفسهم عباقرة زمانهم

أسلوبك جميل وسلس
ومدونتك شكلها مبهج

من كل بستان زهرة يقول...

مونتي حبيبتي
وحشتيني جدا جدا
عامله ايه يا ياجميله طمنيني عليكي


لأ هو في رجاله تستاهل بس قليلين

من كل بستان زهرة يقول...

ليلة حبيبتي
وحشاني

أيوه ياعم ربنا يخليهولك الي ملك قلبك
ويسعدك ويتمملك بخير ويارب يحافظ عليكي وربنا يهدهولك
يااااااااااااااارب

من كل بستان زهرة يقول...

ألوان
ميرسي ربنا يخليكي

نورتيني
ياريت متكونش الزيارة الأخيره

richardCatheart يقول...

عيييييييييييييييب انا قولت فلورا نعمه وقويه بس المره دى ضوفرها مربيه

ههههههههههههههههههههههه

هااااااااااايله عجبتنى اووووووووووى

وللاسف احنا فى مجتمع النموذج اللى يتقله كلامك دا كتتتتتتتتتتتتتتتتتتتتير
وممكن يتقله اكتر منه بس عيب هههههههههه

تسلمى يافلورا وديما قويه

من كل بستان زهرة يقول...

قطتي حبيبتي
لأ لسه نعمه أوي
هو لو انا مكنتش نعمه كان وصلني للحاله الي انا فيها
وبعدين يا قطه ده شويه كلام في الهوا أقدر انا أعمل حاجه غير الكلام هههههههههه

تسلمي يا قطه

أحمد الصعيدي يقول...

لأنك أنثي تدعي ما قد سبق

عفوا

فقد انتهي زمن النساء


وداعا للأنوثة


عفوا فأنا أكتب عن بطلة روايتك

من كل بستان زهرة يقول...

أحمد الصعيدي

ياشاعر
لاتسكب الدمعه على خد حسـاس
ولا تحرق اوراق الزهر في عتابك

أحمد الصعيدي يقول...

ربما احييها وأوزيح عنها غبار الثقافة المؤمركة


أما الدموع فهي تخصب علي ملمس حساس

من كل بستان زهرة يقول...

ياااااااااااه يا شاعري

تتهمني بالثقافه المؤمركة
لم أتوقع ان تصدر منك

أحمد الصعيدي يقول...

لأنك فقط كتبت ما سبق


وأتمني لو أنك لست كذلك


صغيرتي

فقد انتهي زمن النساء

من كل بستان زهرة يقول...

ياشاعري
لو انتهى زمن النساء
فلنرى كيف ستستمرون في الحياة
ولنا معكم لقاء فمن يتحمل الحياة من دون هواء