الخميس، 3 مارس، 2011

صباح الرحيل



هو الراجل ده مش كان لسه بيتكلم أمبارح 
وقال أنه لسه قاعد على قلبنا
هو فيه أيه؟؟؟؟؟
فجأه كده صحي الصبح لقى نفسه عايز يمشي راح مقدم أستقالته
طيب ياسيدي شكراً جزيلاً لأستجابة حضرتك لينا


وعايزه أقول للناس الي بدأت تزعق وتعلي صوتها
بأن خلاص كده مصر أنتهت وأننا زودناها أوي
وزعلانين أوي من الجيش أنه وافق على أستقالة الفريق أحمد شفيق

ياجماعة الراجل ده محدش يقدر يتكلم عن شخصه في حاجه
كل الأحترام والتقدير ليه
بس للأسف فشل في تحقيق مطالبنا
اولا بأستهزائه من الثورة 
وده كان واضح في كلام كتير منه
التعتيم على القرارات الي بتتخذ
غير بقى البطئ الشديد
أحنا منطلقين بصاروخ والحكومه راكبه عجلة
وحتى لما بياخدوا قرار بيبقى عباره عن مسكنات للشعب

الناس دي لحد الأن مش قادره تستوعب 
أن الشعب المصري تفكيره وعقليته أتغيرت 
أحنا مش عايزيين مجرد تغيير أسماء قاعده على كراسي
عايزيين فكر وعقل
أحنا عايزين وجوه جديده شريفة ونظيفة
 مصر عامره بالشخصيات العظيمة
أحنا عايزيين نبني مصر جديده
نقيه من كل أنواع الفساد
ونلونها بألوان الحرية

وعلى فكره الثورة لم تنتهي بعد
لسه في مطالب كثير لم تحقق
يعني لازم نستمر في مطالبنا

نريد دستور جديد مش مجرد تعديل خايب
نريد محاكمه جاده وحقيقه للفاسدين
وكل من تسبب في انتشار الفوضى في البلد
نريد حل جهاز أمن الدولة
أو على الأقل تحديد صلاحياته
نريد الأفراج عن كافة المعتقلين السياسيين
نريد إنتخابات حره نزيهه
نريد إنتخابات عاجلة للمجالس المحلية
نريد وضوح وأعلان عن القرارات التي تتخذ
نريد سرعه في أتخاذ القرارات
بلاش نظام السلحفاة الي أنتوا ماشين بيه
كل دي حقوق للشعب المصري لازم يحصل عليها

وأكيد مصر هتبقى أفضل

هناك 23 تعليقًا:

فاتيما يقول...

موااااااااافقة بالإجماع يا زهورة

يا رب كل يوم
يبقى صباحو رحيل كل فاسد فيكى يا مصر

وصباح امل فى بكرة
وتغيير للأمام


يا رب


:)

♥نبع الغرام♥♪≈ يقول...

انا بضم صوتى لصوتك يا حبيبتى
لان دا ابسط حقوق الشعب المصرى المغلوب على امره

انا اه مبسوطه ان احمد شفيق طار هو اللى معاه لان البلد مش ناقصه فساد كفايه السنين اللى فاتت فيها

بس المفروض حبيبتى ان الناس تهدى شويه لان الدنيا مش اتخلقت بيوم لاذم نصبر لحد ما يتخذو القرارات
مش تنسى ان اقتصاد مصر هبط بعد الثورة
وان الحال اتغير
واللى يخلينا نفضل ساكتين 30 سنه وفجأة طلعنا كلنا بنفس واحد نصبر شويه

NaiRa يقول...

الحمد لله ان كل حد فاهم هو بيعمل ايه وانا بعتز اوى باحمد شفيق لانه رغم ان مصر دلوقتى محتاجه حد يقف بجد الا انو وفر للشعب اللى هو عاوزه وقدم استقالته
ودلوقتى شرف بيشكل الوزاره الجديده وبتمنى من الناس بقى انهم يكون عندهم شويه صبر عشان الحكومه الجديده تقدر تاخد وضعها وان شاء الله كل شيئ هيبقى كويس وياريت بكره تكون جمعه مباركه كده ان شاء الله متكونش جمعه مسيله للدموع عشان بجد تعبانا من المظاهرات
وكفايه اللى ضاع بقى نبص لقدام شويه وربنا يهدى كل عاصى
وهزورتى حبيبتى وحشتينى يارب تكونى بخير يا قلبى

وجع البنفسج يقول...

اختي العزيزة ..
يسعدني المرور لاول مرة بمدونتك ..
بالنسبة للبوست .. المهم انه اللي يجي يكون بيحب مصر وبيخاف عليها ويحمي اولادها وثورتهم ويكون قد المسئولية ويعدي بمصر لبر الامان ..
ربنا معاكم وقلوبنا معاكم ، دمتي اختي وتقبلي مروري ..

موناليزا يقول...

مفيش شك على قبول كلماتك انا بس حبيت احييكى على الصورة المرفقة مع الموضوع
جامدة جدا:)

ثـــوره الــغضب يقول...

بجد سعيد بمرورى عندك

اتمنى فعلا كل الى يحكم مصر يكون بيخاف ربنا اولا ويخاف على مصر ثانيا

انا بحلم كل يوم بصلاح الدين او بجمال عبد الناصر او بلسادات انشله يمسكها حسام حسن وابراهيم حسن بس يكونو بيحبو مصر ويخافو من ربنا احييكى

momken يقول...

موافق طبعا

الف مبروك الحريه


تحياتى

eng_semsem يقول...

اكيد التغيير مش سهل اكيد النجاح محتاج مجهود اكيد النصر ما جاش من فراغ اكيد بالصبر والاجتهاد والعمل هنوصل لاهدافنا
وعلى فكره انا ما اعرفش حد زعل على رحيل شفيق
تقبلي تحياتي

carmen يقول...

المفروض كل واحد يمسك اي منصب يقول انا هنجز كذا خلال كام شهر وكذا خلال كام سنة واللي مايلتزمش بالسلامة

محمود(باحث عن حب) يقول...

مبروك لمصر فرحان النهاده علشان اللى بيحصل للامن الدوله الحمد لله

من كل بستان زهرة يقول...

فاتيماااااااا

طالما موافقه بالأجماع
أذن فاليستعدوا أنطلااااااااااااااق الي التحرير

يارب كل يوم يبقى صباحو رحيل لك فاسد
وصباحو خير وسعاده على شعب مصر الجاااااااامد

:):):):)

من كل بستان زهرة يقول...

انوسه
بصي يا حبيبتي
اكيد لازم نهدى شويه ونخلي الحكومه الجديده تشوف شغلها
بس انا اعتقد ان التظاهر يوم الجمعه مفيهوش اي تعطيل للدوله
كأننا بنعمل حافله
الي عايز يشتغل ويعمل حاجه لو في وسط الحرب هيعمل
عموما كلنا ايد واحده علشان مصر تبقى احسن
ويارب عصام شرف يطلع انسان محترم
ويخدم بلده

من كل بستان زهرة يقول...

نيروووووو
حبيبتي انا بخير
انتي اخبارك ايه يا قمر؟؟؟؟

لأ كانت جمعه مباركه الحمد لله
متخفيييييييييييش مصر هتبقى احسن ان شاء الله
طول ما احنا واعين ومفتحين عنينا
ومش سيبين مكان للفاسدين

من كل بستان زهرة يقول...

وجع البنفسج

ياهلا ياهلا بأهل فلسطين
الشعب العظيم

ربنا يتقبل دعائك

وانا سعيده جدا انك نورتي مدونتي

من كل بستان زهرة يقول...

موناليزا
ربنا يخليكي
انا حسيت بالصورة دي اوي
كأني فعلا بشيل جلدي القديم وبتولد من جديد
ربنا يحفظ بلدنا

من كل بستان زهرة يقول...

ثورة الغضب

ربنا يخليك انا اسعد انك نورتني ب
بص بقى ياسيدي
انا موافقه على كل الكلام

ماعداااااااااا
الي اسمهم حسام وابراهيم حسن
لألألألألأ انت كده هتدمر مصر
بص رغم عشقي الشديد لنادي الزمالك
ورغم اني زمالكويه متعصبه
الا انه الي اتنين دول خلاص اتعلم عليهم
دول تبع بابا حسني

يعني انا ممكن اضحي ان الزمالك مياخدش الدوري السنه دي
وان الأتنين دول يمشوا

بس استحالى اضحي بمصر
احنا مصدقنااااااااااااااا

نورتني

من كل بستان زهرة يقول...

ممكن

الله يبارك فييييييييييييك
ومبروك ليك

مصر مصر تحيا مصر

من كل بستان زهرة يقول...

اسامه

لألألألألأ في كتير
الناس الي تعاطفة مع خطاب الرئيس المخلوع
هما الناس الي كل مانتقدم خطوه
تلاقس قلبهم بيدق
وكفايه والحمد لله على الي وصلناله

انا بس عايزه اقولهم فالتقل خيرا او لتصمت
نورتني

من كل بستان زهرة يقول...

كارمن

فعلا عندك حق ده الي هيخلي الناس ترتاح
وهيدينا الحق اننا نحاسبه بعد الفتره دي

من كل بستان زهرة يقول...

محمود

لكل ظالم نهايه
وبتوع امن الدوله دول كانوا اتجبروا وطغوا في الأرض
وكان لازم ربنا يذلهم
الف مبروك

شريف صابر يقول...

اؤيدك بما تقولين بان كل فاسد يجب ان يحاسب ولا احد فوق القانون ولكنى اتمنى الافراج فريبا عن المعتقلين السياسين وبعدها يحب ان تهدا الامور حتى نستطع ان نفكر فى مستقبل هذه البد تحياتى لك وتقبلى مروري

فارس عبدالفتاح يقول...

عبدالناصر الله يرحمه ويسامحه احدث ثورة اجتماعية عظيمة بنقل مصر من الاقطاع والراسمالية الاحتكارية والرجعية المتعاملة مع الامبريالية ، الى دولة قوى الشعب العاملة الفلاحين والعمال والجنود .

وهذه كانت ثورة احدثت نقله نوعية في الكم والكيف ، المطلوب الان ايضا ثورة اجتماعية وسياسية واقتصادية وتكنولوجية ايضا لمواكبة العصر ، وتحقيق التطور الحضاري المنشود .

طبعاً الكلام ده مع الاسف الشديد مش كل البني ادمين بيفهموه ( حقة معرفته ) حتى قطاع كبير من المتعلمين .. وليس المثقفين .


لكن ايضا احمد الله انه يوجد هناك مصريين مثقفين وعلى درجة كبيرة من الوعي مع انهم قله ولكن مع ذلك هم طليع هذا الشعب وهذا هو واجبهم توعية الجماهير وسحب قاطرة الوعي والتقدم الحضاري في هذا البلد .

ولابد ان يعرفوا ويعوا عن ادراك حقيقي ان هناك حرب دعائية كبيرة من الرجعيين اصحاب المصالح القدامة يحاولون ان يسبطوا من عزم هؤلاء المثقفين بتأليب العامة عليهم وبعض المتعلمين الجهل والسذج والمغفلين يشاركون في ذلك حتى ايام بدايات الثورة كانوا ايضا يفعلون ذلك مع الاسف .

وربنا يستر وربنا يوفقهم ..

arab girlscool يقول...

This is such a nice addition thanks!!!

شات صوتي
كول
عرب كول
شات مغربي
انحراف كام
شات عربي
عرب كول

غلا الروح
شات الغلا
غلا روحي
شات صوتي
شات الغلا
الغلا
شوق كام
شات صوتي شوق

شات صوتي
شات عذاب
عذاب كول
عذاب كام
شات كام
شوق كام
شات صوتي شوق
شات كول
شات صوتي

شات الغلا الرقمي
شات عذاب كول الرقمي
شات عرب كول الرقمي

مدونة غلا الروح
شات الغلا
شات صوتي
الغلا

ـــــــــــــــــ
شات تواعدنا
شات صبايا الشام
شات غلا روحي
مدونة غلا الروح