الثلاثاء، 15 مارس، 2011

دستور يا أسيادنا



لماذا يريد الشعب دستوراً جديداً 
لماذا يريد أن يقلص من سلطات رئيس الجمهورية
و يعظم دور منظمات المجتمع المدنى و المجلس النيابى
و يجعل الحكم بالشعب و للشعب؟؟؟؟؟ 
في ثورتنا خرجنا كلنا على قلب رجل واحد 
و كانت أهدافنا واحده 
إسقاط النظام ، حل أمن الدولة ، حل مجلس الشعب  و.... تشكيل دستور جديد !

.
.
.
.

مش عارفه ليه كل شئ عندنا بيحصل بعد طلوع الروح

في تونس جهاز أمن الدولة أتلغى عادي محصلش حاجه
وأحنا عندنا بعد محاولات عده أتلغى .....مبروك طبعا
وأمن البلد لم يُمس لأن أصلاً الجهازه كان ليه حسابات أخرى

في تونس تم حل حزب التجمع الدستوري الديموقراطي
بتاع بن على ومحصلش حاجه
وأحنا عندنا صعب جداً إن الحزب الوطني يُحل

في تونس تم تعيين رئيس مؤقت ووزارة مؤقتة لتسيير الأعمال
وأحنا ده لايمكن يحصل أبداااااااااااااااا

وأحلى حاجه أنهم في تونس بمنتهى سهولة لغوا الدستور
ولسه تونس عايشه مولعتش ولا حاجه
وأحنا لسه متمسكين بترقيع دستور سقطت شرعيته مع الرئيس المخلوع

ومتمسكين أكتر بأعطاء الرئيس المصري الجديد 
سلطات لا يتمتع بها أي رئيس في العالم
مساعدة مننا لتحويله الي ديكتاتور وفرعون جديد
 
أنا الي فهمته لما حصلت الثورة وأتخلع مبارك
جاء مجلس عسكري يحكم البلد بشكل مؤقت
وطبقا للدستور  لايوجد  ذكر للمجلس العسكري 
الدستور بيقول رئيس مجلس الشعب أو رئيس المحكمة الدستورية هو من يتولى السلطة 
وبما أن هذا لم يحدث فبالتالي أصبح وضع المجلس العسكري غير قانوني أو دستوري مما يتوجب تعطيل العمل بالدستور الحالي
وبالتالي إزاي تجرى تعديلات على دستور تم تعطيل  العمل به
غير كده أن الأستفتاء ده أختار بعض المواد ليتم تعديلها
" أكيد كلنا أطلعنا على هذه المواد وعلى تعديلاتها "
وغفل عن مواد أخرى مهمه
تعطي الرئيس الجديد صلاحيات في أصدار قرارت لها قوة القانون
وبالتالي سوف تكون كل السلطات مرة أخرى في يده

يعنى وكأنك يابو زيد ماغزيت

يعني لا لترقيع الدستور
لأنه يهدم كل مبادئ ثورتنا

هناك 15 تعليقًا:

سندباد يقول...

كلامك منطقي جدا وهو ده المفروض يحصل انما معلش خلينا نمشي خطوة خطوة لحد ما ناخد اللي احنا عايزينه نقول للتعديلات لاء فيضطروا يعملوا دستور جديد مش مشكلة ننتظر كمان احنا ياما انتظرنا وانشالله القادم افضل

فارس عبدالفتاح يقول...

لان السلطة المتمثله في المجلس العسكري مازالت تفكر بالمنطق القديم او بالمعنى الادق منطق حسني مبارك .

تتكلمين يا زهرة على الدستور وهذا شيء مهم جداً ولكن الاهم هو القبض على جميع رموز النظام السابق دون استثناء وعلى راسهم حسني مبارك وجمال مبارك وصفوت الشريف وزكريا عزمي وفتحي سرور والقائمة مزدحمة وتتطول .


بماذا افسر انا كمواطن عادي وكمواطنين ضحوا بمهجةانفسهم وارواحهم وماتوا في سبيل الحفاظ على ما تبقى من كرامة .

وهؤلاء الناس مازالوا يعبثون في امن الوطن ويقتلون ويهدمون ويشيعون الفتنة بين المسلمين والنصارى وبين الاخوان وغيرهم وبين المواطنين انفسهم في كل شارع وفي كل حاره .

ومازال هذا المجلس العسكري العقيم والبليد والسقيم ينظر الى الواقع المصري بكل بلاده في الطبع وسزاجة في الفعل وبطئ في التطبيق .. توحي بان المجلس العسكري متواطئ مع هؤلاء بلا ما لا يدع مجال للنقاش في هذا الامر لكل رجل محترم يحاول ان يشغل عقله ويفكر بتطريقة سليمة ومحترمة تليق بانسان وهبه الله هذا العقل .


ولكن نقول بالاخير مثل ما كنت اردد عند ما قررت ان اهج من مصر الحبيبة ..


يا بلد تذل الجعد والرحل منك خير .


مع الطيب التمنيات تقبلي كل مودة وتقدير .


فارس عبدالفتاح .. قومي عربي

فارس عبدالفتاح يقول...
أزال المؤلف هذا التعليق.
♥نبع الغرام♥♪≈ يقول...

للاسف احنا مع قلة مندسه يا زهرتى عاوزين مصر تكون خراب

انا مبسوطه اوى من كلامك لانه صح ودا اللى بدماغى انا كماااااااااان


لكى الله يامصر

لكى الله يامصر

MTMA89 يقول...

أنا أشجعك أنك كتبتي عن رأيك..
التعديلات عملت أزمة على مستوى الشارع بجد..

أنا شايف إن أوجه الإختلاف مش على المواد المعدلة.. لكن الاختلاف كان على مبدأ التعديل.. و أنا مقتنع تماماً إنه لابد من دستور جديد..


تحياتي

محمد
:)

BNT ELISLAM يقول...

عجبنى اوى وصف ترقيع للدستور





جميل بجد وصفتى الى كلنا بنفكر فيه وعلى فكره ساعد تينى على تفكير فى حاجات كتير لكى احترامى وودى

مصطفى سيف يقول...

انا مثلك ارى ان قفزة المجلس الاعلى للمقعد الرئيسي للبلد بعد تنحي مبارك هي خطوة ديكتاتورية مريعة ومخالفة للدستور
لذلك اتمني ان يمسك الشعب بتلابيب الامور مرة اخرى سريعا
لذلك قد اصوت نعم كي يرحل الجيش سريعا خوفا من ان تعجبه حالة المسيطر ونكون قد انتهينا من حاكم عسكري ديكتاتور لنجد مجلس اعلى ديكتاتور
تحياتي لكي ولوجهة نظرك المطروحة التي اتفق معكي في العديد من الجوانب واختلف في بعضها فانا اتفق معكي انه يجب ان يكون هناك دستور جديد ولكنني لا اريد اللجنة التي تضعها الدستور ان يعينها المجلس الاعلى اريدها لجنة منتخبة فلو ضمنتي لي ذلك فسأقول لا
ولو لم يكن هناك ضمان فساقول نعم
فتاخير الدستور افضل من دستور مصنوع من لجنة يعينها المجلس الاعلى الذي قفز بلا شرعية دستور
تحياتي

كلمات من نور يقول...

معلش واحده واحده ومصر حتقوم بينا إن شاء الله يا قمري بس قولي يارب واستعيني بالله وقدر ربك كريم يصلح حالنا ويوفقنا لما يحب ويرضى

كلمات من نور يقول...

معلش واحده واحده ومصر حتقوم بينا إن شاء الله يا قمري بس قولي يارب واستعيني بالله وقدر ربك كريم يصلح حالنا ويوفقنا لما يحب ويرضى

amiralcafe يقول...

ديكتاتورية الشعب إستولت على ثورة

Tarkieb يقول...

ان شاء الله لا

ندا منير يقول...

هو فعلا الحاجة لازم تتعمل بعد طلوع الروح

وبعد ما نكون خسرنا كتير جدا فى حياتنا وحياة ارواح

وباذن الله الحياة ترجع تانى لطبيعتها

وحكاية الدستور دى حاجة بصراحة مستفزة ومش مفهومة ومش فاهمة ليه يعنى ميغيروش الدستور كله مرة واحدة وكان ينفع عادى جدا

بس فى حاجات غريبة بتحصل

همس الحنين يقول...

صباحك ورد من كل بستان زهرة
وربنا يكون في عون مصر الغالية
وزي ماصبرت مالكومش غير الصبر
دلوقتي وربنا يجعل الجاي اجمل لمصر
دمتِ بخير وسعادة
تحياتي

أخبار مصر لحظة بلحظة يقول...

أول مرة أزور مدونتك القيمة .. تهنئتي لك على المجهود المبذول والرائع..
ميدان التحرير الان
أخبار مصر لحظة بلحظة
ثورة 25 يناير

arab girlscool يقول...

This is such a nice addition thanks!!!

شات صوتي
كول
عرب كول
شات مغربي
انحراف كام
شات عربي
عرب كول

غلا الروح
شات الغلا
غلا روحي
شات صوتي
شات الغلا
الغلا
شوق كام
شات صوتي شوق

شات صوتي
شات عذاب
عذاب كول
عذاب كام
شات كام
شوق كام
شات صوتي شوق
شات كول
شات صوتي

شات الغلا الرقمي
شات عذاب كول الرقمي
شات عرب كول الرقمي

مدونة غلا الروح
مدونة شات الغلا
شات الغلا
شات صوتي
الغلا